Drony atakavali akupavanyja Danieckuju i Łuhanskuju vobłaści, a taksama Krym: pad udaram CES, naftabaza i čyhunka
U noč na niadzielu, 7 červienia, bieśpiłotniki ździejśnili ataku na časova akupavanyja terytoryi Ukrainy. Načnyja ŭdary pryviali da pažaraŭ na bujnych infrastrukturnych abjektach, siarod jakich ciepłaelektrastancyja, čyhunačnyja vuzły i naftabaza.
Pavodle źviestak manitorynhavych kanałaŭ, u Danieckaj vobłaści drony aktakavali Zujeŭskuju CES, dzie paśla vybuchu pačaŭsia mocny pažar. Akramia taho, pažar zafiksavany ŭ rajonie akupavanaha horada Čyściakova — tam pad udar patrapiła čyhunačnaja infrastruktura.
Čyhunačnyja abjekty i elektrapadstancyi byli atakavanyja i ŭ Łuhanskaj vobłaści, u vyniku čaho na miescach prylotaŭ taksama pačalisia ŭzharańni.
Paralelna sieryja vybuchaŭ prahrymieła na Krymskim paŭvostravie. Partyzanski ruch «Ateš» i miascovyja pabliki paviedamili pra vybuchi ŭ rajonie naftabazy ŭ Fieadosii. Akramia hetaha, praca SPA i vybuchi fiksavalisia ŭ Sievastopali, Džankoi i Simfieropali.
Kamientary