ZŠA paviedamili, što vyzvaleńnie palitviaźniaŭ u Biełarusi «adkładzienaje na niekatory čas»
Administracyja Donalda Trampa paviedamiła pra zatrymku ŭ svaich namahańniach damahčysia ad Łukašenki vyzvaleńnia bolšaj kolkaści palitviaźniaŭ, skazała Reuters biełaruskaja demakratyčnaja lidarka Śviatłana Cichanoŭskaja. Pra heta piša «Radyjo Svaboda».
Śviatłana Cichanoŭskaja. Fota: AP Photo Mindaugas Kulbis
Cichanoŭskaja adznačyła, što amierykanski bok paviedamiŭ joj: «nastupnyja vyzvaleńni adkładzienyja na niekatory čas», ale jana nie moža raskryć pryčynu hetaha.
«Viedajučy pryčynu, ja nie chvalujusia. Viadoma, my chočam, kab jak maha bolš ludziej byli vyzvalenyja jak maha chutčej, i lubaja zatrymka razburaje zdaroŭje mnohich ź ich, — skazała jana. — Ale heta nie kaniec pracesu».
Jana źviarnuła ŭvahu na aptymistyčnyja słovy Kouła, jaki 3 červienia napisaŭ u X:
«My jašče nie skončyli. Zachoŭvajcie nadzieju!».
Čytajcie taksama:
Viačorka: Kali Jeŭropa pačnie zdavać pierad Łukašenkam, heta asłabić amierykanskija pazicyi
Džon Koŭł patłumačyŭ, čamu nie pajechaŭ u Minsk razam z prapaviednikam Hremam
Cichanoŭskaja prakamientavała prapanovu ZŠA susiedziam Biełarusi źniać sankcyi na tranzit kaliju