U rasijskaj Kazani pamior Isus Chrystos, jaki sudziŭsia za imia
U Kazani znajšli miortvym Jaŭhienija Čakułajeva, jaki ŭ svoj čas prasłaviŭsia, źmianiŭšy imia na Isus Chrystos. Pra heta paviedamiŭ advakat mužčyny, piša «Snob».
Jaŭhienij Čakułajeŭ
Jaŭhieniju Čakułajevu było 46 hadoŭ. Pa słovach advakata, jahonaja śmierć nie nosić kryminalnaha charaktaru — klijent prosta złoŭžyvaŭ ałkaholem. Cieła znajšli paśla ŭskryćcia kvatery pa prośbie susiedziaŭ, jakija paskardzilisia na kiepski pach.
U lutym 2026 hoda sud abaviazaŭ kazanskaha Isusa Chrysta viarnuć raniejšaje imia i nanova aformić dakumienty. Raniejšy zapis pra źmienu, zrobleny ŭ 2020-m, anulavali. Pazoŭ prakuratury hruntavaŭsia na zaklučeńni Ministerstva justycyi Rasii, u jakim havorycca, što źmiena imia pa relihijnych padstavach nie dapuskajecca.
Raniej Čakułajeŭ taksama byŭ umoŭna asudžany na dva hady za fiktyŭnuju rehistracyju 45 inšaziemcaŭ u svajoj kvatery płoščaj 31,9 kvadratnaha mietra.
Čytajcie taksama:
«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka