«Łukašenka na minimałkach». «Biełaruski kachanak usiaje Rusi» staŭ kumiram žanočaha tyktoka

U biełaruskich sacsietkach jość piersanaž, jakoha składana zbłytać z kimści inšym. Jon śpiavaje pra adnosiny, «bački» i inšyja anatamičnyja detali, ryfmuje tak, nibyta školnaja dyskateka 2007 hoda ŭsio jašče ŭ samym razhary, razdaje parady jak pavodzić siabie ŭ łožku, flirtuje z padpisčycami i rehularna kidaje ŭ stužku svaju karonnuju frazu: «Kuś za bačok!».

Zavuć jaho Lesha Velmatown. U instahramie ŭ jaho kala 150 tysiač padpisčykaŭ, u tyktoku — bolš za 260 tysiač. U profili jon nazyvaje siabie «vaš antydepresant», «PMS-psichołah» i «paŭprafiesijny muzyka». Threads jon nazyvaje «srots», a aŭdytoryju łaskava kliča «maje soniejki».

U svaich videa i kamientarach jon ščodra razdaje kamplimienty na trasiancy: «ty caryca», «krasavica», «vy prosta kosmas», «a chto heta tut taki pryhožy?». I ŭsio heta ź intanacyjaj čałavieka, jaki ŭpeŭnieny: trochi flirtu — i dzień u padpisčyc adnaznačna stanie lepšy.

Pavialičyć

U stužcy błohiera amal vyklučna jaho ŭłasnaje abličča. Sełfi, videa, znoŭ sełfi. Jon vidavočna lubić kamieru i asabliva lubić zapisvać videa ležačy. Častka rolikaŭ źniataja z rakursu «z paduški», nibyta błohier tolki što pračnuŭsia.

Pavialičyć

Jaho pasty znaročysta prostyja: «Ustaŭ», «Pamyŭsia», «Pahaliŭsia», «Hatovy dureć». U adkaz žančyny dasyłajuć fota svaich ščok «dla kusiaŭ», katoŭ, sercy i kamplimienty jaho vusam. Kamientary kštałtu «spakuśnik» i «ambasadar hoda biełaruskaj žančyny» tut hučać biez sarkazmu. Abo ź im, ale ŭžo ciažka zrazumieć.

Ad «Dziaŭčyny-rabakopa» da TikTok-miema

Za nikam Lesha Velmatown staić Alaksiej Bojka. Jon rodam z Babrujska, ciapier ža pościć fota ź mietro i hatelaŭ u Maskvie.

Pisać pieśni błohier pačaŭ jašče ŭ 2000‑ch, a ŭ 2012 hodzie jon źniaŭ klip na svaju pieśniu «Dziaŭčyna-rabakop» pad psieŭdanimam Leks Boikof. 

Paźniej jon zapisvaŭ pieśni jak Shafr, toj samy dvarovy pop-rep nulavych: prostyja minusy, jašče praściejšyja ryfmy i pačućci.

Sam Alaksiej piša pra siabie: «Mała chto viedaje, što ja muzyka, choć i chierovy, ale ŭsio žyćcio pišu pieśni… Pa fakcie ja byŭ adnym ź pieršych błohieraŭ-muzykaŭ ź Biełarusi».

@leshavelmatown #lubov́❤ #pieśnia #niežnosť ♬ Niežnosť - velmatown

Błohieru chapaje samaironii:

«Ja pišu vielmi pryhožyja pieśni, kali ich słuchać biez huku — naohuł šedeŭr».

Ciapier Alaksiej namacaŭ svaju formułu. Jon pajšoŭ u bok jašče bolšaha kryndžu i, zdajecca, znajšoŭ svaju aŭdytoryju. Ciapier jon «ščadralubny biełarus», jaki flirtuje z usioj aŭdytoryjaj adrazu.

Karotkija videa z prypieŭkami pra «žopki», «pienis» i inšyja bijałahičnyja padrabiaznaści. Maksimalna prostyja ryfmy, flirt na trasiancy i rochkańnie, vusy i pastajannaje «Kuś». Jaho jašče nazyvajuć «Łukašenka na minimałkach». U kamientarach navat pišuć: «Čytaju ź jaho firmovym akcentam».

Pavialičyć

Aŭdytoryja błohiera pieravažna žanočaja — i joj, vidać, zachodzić vobraz «svojskaha mužčyny», jaki ŭsim robić kamplimienty i ničoha nie ŭskładniaje.

Pavialičyć

Pavialičyć

Adna ź piesień, «Pieraličy», vyjšła 30 studzienia. U joj liryčny hieroj prosić u byłoj dziaŭčyny pieraličyć jamu hrošaj na kartku:

«Pierieviedi na kartu dieniužku,
Daj počuvstvovať,
Čto ty mienia lubiš,
Ili zabud́ puť
K mojemu sierdcu
Navsiehda, navsiehda».

Liryčny hieroj pryznajecca, što ich kachańnie «nie atrymałasia» i być byłym baluča. Narakaje, što paśla razryvu na rachunkach zastalisia nuli, ale jon maryć pačuć słovy: «Lublu ciabie, kaciania, voś kartka maja».

U kamientarach da pieśni pišuć: «Heta nastolki prosta, što ŭžo śmiešna». A karystalniki padkładajuć pieśniu pad ułasnyja videa-ścioby.

Lesha Velmatown anansavaŭ novyja pieśni, u tym liku «Vaflevaje nieba» — sa starych narychtovak z tych samych 2000-ch. Nibyta znajšoŭsia čałaviek, hatovy pracavać ź im nad «chitami».

• 5
• 2
• 4
• 27
• 1
• 2
• 1
• 0