Saładuchu źniali ŭ pravakacyjnaj rekłamie. Zdajecca, śpiavak prosta nie viedaŭ, što značyć «dušyć husia»
Alaksandr Saładucha słynny svaim kryndžam. Ale hetym razam zasłužanaha artysta Biełarusi kankretna vystavili na paśmiešyšča.
Treba adznačyć, što Alaksandr Saładucha apošnim časam rekłamuje ŭsio, što možna. I kab nie vielmi zamaročvacca, dla luboj rekłamy pieraroblivaje adnu sa svaich dźviuch viadomych piesien — «Vinahrad».
Jašče ŭ pačatku maja, naprykład, artyst śpiavaŭ pad znajomuju ŭsim biełarusam miełodyju himn «BiełAŭtaMarkieta».
Ciapier ža Alaksandr zaśviaciŭsia ŭ rekłamie bukmiekierskaj kantory «Maksłajn». Rolik stvorany z dapamohaj štučnaha intelektu. U im śpiavak byccam by vylataje z ekranu televizara i zabivajecca ab ścianu. Paśla čaho traplaje jon u vielmi dziŭnuju kampaniju: futbalist Valer Hramyka, boh Zieŭs, mumija, Indyjana Džons…
Saładucha, blisnuŭšy svaimi lehiendarnymi vinirami, śpiavaje z huśsiu ŭ rukach niezamysłavaty tekst:
«Ty kruti, kruti husia
S «Maksłajnom».
Ty kruti, kruti husia
Riealno.
Ty kruti, kruti husia
V onłajnie.
Ty kruti, kruti husia
S «Maksłajnom».
Rekłama spravakavała šmat žartaŭ. Imavierna, stvaralniki mienavita na taki vynik i raźličvali — ale naŭrad ci sam Alaksandr, jaki, mabyć, nie znajomy z moładzievym słenham, tamu nie moh acanić zahadzia, u jaki kantekst papadaje.
Reč u tym, što ŭ śfiery anłajn-kazino sapraŭdy isnuje ruskamoŭny vyraz «krucić husia» ŭ značeńni «krucić słoty». Ale jon małaviadomy. Masavaja moładzievaja aŭdytoryja viedaje vyrazy «dušyć husia», «ciahnuć husiu», a časam i «krucić husaka», jaki abaznačaje mužčynskuju masturbacyju.
Tamu Saładucha, jaki viesieła tančyć z huśsiu ŭ rukach, maje ŭsie šansy stać miemam.
Naprykład, niadaŭna ŭ tyktoku źjaviłasia videa, jak Alaksandr śpiavaŭ na apošnim zvanku svajoj małodšaj dački Varvary — viadoma ž, «Vinahrad». Ale šmat chto z kamientataraŭ upiknuŭ jaho za huś.
Pad samim rekłamnym videa ŭ tyktoku artysta taksama jość žarty pra «dušyć husaka». A jašče šmat chto prosta aburajecca, što Saładucha rekłamuje anłajn-kazino.
Ciapier čytajuć
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie1
Kamientary