U studentaŭ EHU pytajucca, chto apłačvaŭ ich navučańnie
Pryčym cikavić pieryjad z 2016 hoda.
Miarkujučy pa pastanovie ab zaviazieńni kryminalnaj spravy, da ludziej pryjšli za apłatu navučańnia ŭ EHU, pačynajučy z 2016 hoda, piša «Viasna».
«Nieŭstanoŭlenyja asoby nie raniej za 30.04.2016 ažyćciavili pradastaŭleńnie i zbor hrašovych srodkaŭ, kaštoŭnych papier i inšaj majomaści dla śviadomaha zabieśpiačeńnia ekstremisckaj dziejnaści ekstremisckaj arhanizacyi «Jeŭrapiejski humanitarny univiersitet», pryznanaj takoj rašeńniem Viarchoŭnaha Suda Respubliki Biełaruś ad 14.04.2026», havorycca ŭ pastanovie.
14 krasavika Jeŭrapiejski humanitarny ŭniviersitet, jaki dziejničaje ŭ Vilni, byŭ pryznany ŭ Biełarusi ekstremisckaj arhanizacyjaj.
Z pačatku miesiaca ŭ Biełarusi pačaŭsia pieraśled, źviazany ź EHU. Siłaviki raspačali kryminalnuju spravu za sadziejničańnie i finansavańnie «ekstremisckaj dziejnaści».
U miežach hetaj spravy pa ŭsioj krainie prachodziać pieratrusy ŭ ludziej, jakija majuć dačynieńnie da ŭniviersiteta. Pravaabaroncam viadoma bolš čym pra 30 pieratrusaŭ.
Tak, u Viciebskaj vobłaści siłaviki pryjšli ź pieratrusami da byłych studentaŭ, jakija ŭžo skončyli ŭniviersitet abo pakinuli jaho, nie zaviaršyŭšy navučańnie. Ich taksama cikaviła, chto apłačvaŭ navučańnie.
Čytajcie taksama:
EHU zajaviŭ pra ŭzmacnieńnie padtrymki studentaŭ, vykładčykaŭ i ich siemjaŭ
Niekalki vykładčykaŭ EHU z pryznańniem univiersiteta ekstremicckaj ustanovaj spynili supracoŭnictva
Kala 100 studentaŭ pakinuli EHU paśla pryznańnia ŭniviersiteta «ekstremisckaj arhanizacyjaj»