Niekalki vykładčykaŭ EHU z pryznańniem univiersiteta ekstremicckaj ustanovaj spynili supracoŭnictva
«Studenty i vykładčyki źjaŭlajucca najbolš uraźlivymi hrupami ŭniviersiteta», — raskazaŭ u intervju BAŽ rektar Jeŭrapiejskaha humanitarnaha ŭniviersiteta Vilus Šadaŭskas, kamientujučy situacyju va ŭniviersitecie paśla pryznańnia jaho biełaruskimi ŭładami «ekstremisckaj arhanizacyjaj».
«Viedajecie, pahrozy, źviazanyja z prysvajeńniem hetaha statusu, pačalisia ŭ 2024 hodzie. Bolš surjoznyja rečy adbylisia ŭ žniŭni 2025-ha, kali našyja sacsietki stali «ekstremisckimi». I ŭžo ŭ minułym vieraśni my stracili niekalkich studentaŭ, jakija paśla abmierkavańniaŭ ź blizkimi vyrašyli pakinuć EHU.
Dva vykładčyki syšli ź EHU vosieńniu 2025 hoda praz hetaje rašeńnie biełaruskich uładaŭ», — raskazaŭ rektar.
Pavodle jaho słoŭ, paśla pryznańnia EHU «ekstremisckaj arhanizacyjaj» za adzin miesiac — z 14 krasavika pa 14 maja — kala sotni studentaŭ pakinuli ŭniviersitet.
«Na žal, my nie dumajem, što heta kančatkovaja ličba. Miarkuju, što luby dadatkovy vid pahrozy ŭ hetym uzmacnieńni pieraśledu vykliča dadatkovy adtok studentaŭ. I, viadoma, my ŭśviedamlajem, što niekatoryja studenty płanujuć skončyć siemiestr i šukać inšaje miesca navučańnia», — miarkuje Vilus Šadaŭskas.
«Pakul my rychtavalisia da hetaj padziei — prysvajeńnia statusu — my aceńvali roznyja scenary. Na žal, jany ŭvasablajucca ŭ žyćcio. Naprykancy akademičnaha hoda my budziem dakładna viedać, kolki studentaŭ vyrašać nie praciahvać svaju adukacyju ŭ EHU. Bolšaść vykładčykaŭ užo niekalki hadoŭ žyvuć u Litvie, tamu tut inšy paradak ličbaŭ. I ŭsio ž jašče dva lektary vyrašyli nie praciahvać supracoŭnictva.
Peŭny adsotak našych supracoŭnikaŭ byŭ na častkovaj zaniataści ŭ śfiery IT: jany syšli adrazu, ale heta nie takoje rezkaje skaračeńnie, jak u vypadku sa studentami», — kaža jon.
«Što da pieraśledu vypusknikoŭ, studentaŭ paśla rašeńnia ŭładaŭ, to možam pakul kazać pra dopyty, apytańni, vizity. Choć my nie možam viedać, jak buduć raźvivacca padziei paśla», — miarkuje spadar Šadaŭskas.
Jon kaža, što adnosna pieravodu jak studentaŭ, tak i vykładčykaŭ u inšyja VNU Litvy, EHU znachodzicca ŭ kamunikacyi ź inšymi ŭniviersitetami.
«Ale jak u vypadku studentaŭ, tak i vykładčykaŭ, univiersitety buduć užyvać svaje krytery adboru. Tak što, kali student choča pieravieścisia, jon pavinien adpaviadać standartam prahramy hetaj ustanovy. Taksama i z vykładčykami: kali jość vakantnyja pazicyi i konkurs, jany mohuć padavacca. EHU ŭ hetym staŭleńni da vykładčykaŭ byŭ unikalnym, bo niekalki hadoŭ u nas byli inicyjatyvy padtrymki navukoŭcaŭ, jakija znachodziacca pad pahrozaj roznaha rodu. My prymali vykładčykaŭ — biełaruskich, ukrainskich, rasijskich, kab jany mahli pravodzić daśledavańni i vykładać, vykarystoŭvajučy status navukoŭca pad pahrozaj. Inšyja ŭniviersitety, adnak, buduć užyvać akademičnyja standarty», — miarkuje rektar Šadaŭskas.
Kala 100 studentaŭ pakinuli EHU paśla pryznańnia ŭniviersiteta «ekstremisckaj arhanizacyjaj»
EHU nie budzie admaŭlacca ad naboru
Prakuratura pałochaje, što za navučańnie i pracu ŭ EHU moža pahražać da šaści hadoŭ źniavoleńnia
EHU zaprašaje na adukacyjnuju prahramu «Jeŭrapiejskaja spadčyna i kreatyŭny turyzm»
Ciapier čytajuć
Łukašenka paraiŭ uźbiekam šukać vialikija hrošy ŭ Rasii11
Łukašenka paraiŭ uźbiekam šukać vialikija hrošy ŭ Rasii
Pamierła Śviatłana Kurs. U jaje tvorach spałučalisia mahija žyvoha žyćcia i biaźlitasny psichałahizm. A ŭ publičnych vystupach i FB — rezki antyimpieryjalizm i elehantny liryzm1818
Kamientary
Kali ŭniviersitetu było vyhodna, palitčyčnaja afilijaycia ŭsialak vypiačvałasia. A kali zaraz treba abaranić ludziej - vyratavańnie tapielcaŭ - sprava samich tapielcaŭ. Štoš, ničoha novaha. Biełarusaŭ kidajuć čarhovy raz.