Jeŭrakamisija pra ŭltymatum Zialenskaha: Viadoma, Ukraina maje prava abaraniacca
Pres-sakratarka Jeŭrapiejskaj kamisii Anita Hipier u adkaz na pytańnie pra ŭltymatum, jaki prezident Ukrainy Uładzimir Zialenski vystaviŭ Alaksandru Łukašenku, ahučyła pazicyju Jeŭrasajuza, piša «Radyjo Svaboda».
Anita Hipier. Skrynšot ź videa
Jeŭračynoŭnica nahadała, što ŭłady Biełarusi praciahvajuć spryjać rasijskaj vajennaj ahresii. Što jany nieadnarazova čynili pravakacyi suprać Jeŭrasajuza: parušali pavietranuju prastoru i vykarystoŭvali mihrantaŭ, praz što Jeŭrapiejskim sajuzam i byli ŭviedzienyja sankcyi.
«Jeŭrasajuz hatovy rabić dalejšyja dziejańni i zachady, pakul biełaruskija ŭłady praciahvajuć svaju ciapierašniuju palityku. I, viadoma, Ukraina maje prava abaraniacca», — adznačyła Anita Hipier.
Čytajcie taksama:
Jakija retranślatary na miažy maje na ŭvazie Ukraina?
«Ciapier u momancie padajecca žorstkim i praźmiernym». Špakoŭski raić Rasii ŭžyć jadziernuju zbroju