Kalinoŭcy pakazali, jak karystajucca transpartnym robatam

U telehram-kanale Pałka Kalinoŭskaha źjaviłasia fotaspravazdača, jak jaho žaŭniery vykarystoŭvajuć samyja sučasnyja vajskovyja technałohii — naziemnyja rabatyzavanyja kompleksy (NRK). 

«Jašče minułym letam šmat chto ŭsprymaŭ NRK jak niešta niezrazumiełaje, ekśpierymientalnaje i biez uciamnych pierśpiektyŭ na budučyniu. Jak časta byvaje, jany pamylalisia.

Va ŭmovach sučasnaj kiłzony bolšuju častku łahistyčnych zadač vykonvajuć nie ludzi, a robaty. Bo navat na pazicyjach, jakija jašče niekalki miesiacaŭ tamu ličylisia badaj što biaśpiečnymi, zaraz lubaja łahistyčnaja apieracyja źviazanaja z vysokaj ryzykaj dla asabovaha składu.

Rabatyzavanyja płatformy biaruć na siabie dastaŭku bojeprypasaŭ, pravizii i inšaha nieabchodnaha zabieśpiačeńnia, što dazvalaje źbierahčy žyćcio i zdaroŭje vajskoŭcaŭ.

Na hetych fota vy možacie pabačyć, jak artylerysty pałka Kalinoŭskaha zahružajuć NRK Ratel H dla vykanańnia łahistyčnaj misii i adpraŭlajuć jaho ŭ čarhovaje niebiaśpiečnaje padarožža praz zonu, vychad u jakuju moža kaštavać čałavieku žyćcia» — piša pres-słužba Pałka Kalinoŭskaha.

Kamientary da artykuła