U Słonimie dziela rekanstrukcyi vyzvaleńnia horada vyzvalajuć jaho ad dreŭ
Miascovy pablik slonim_live zadaŭ pytańnie čat-botu Słonimskaha rajvykankama, navošta kala miascovaha voziera Sałdackaha masava vysiakajuć drevy i tut ža ich spalvajuć.
Fota: instagram.com/slonim_live
«Padkažycie, što adbyvajecca na Sałdackim, značna vysiečanaja raślinnaść i tut ža spalvajecca, dym idzie na adpačyvalnikaŭ… Niaŭžo ŭsiu haru aholać? Jakija tut płany pa ŭparadkavańni?», — zadali pytańnie čynoŭnikam.
Ad ich pryjšoŭ taki adkaz:
«Z metaj padrychtoŭki da praviadzieńnia vajenna-histaryčnaj rekanstrukcyi «Vyzvaleńnie Słonima» ŭ miežach śviatkavańnia Dnia Niezaležnaści Respubliki Biełaruś i 82‑j hadaviny vyzvaleńnia Respubliki Biełaruś ad niamiecka-fašysckich zachopnikaŭ viaducca raboty pa ŭparadkavańni vyšejpaznačanaj terytoryi, taksama budzie praviedziena sanapracoŭka terytoryi ad klaščoŭ».
Taksama čynoŭniki paviedamili, što ŭ suviazi z padrychtoŭkaj vajenna-histaryčnaj rekanstrukcyi «Hieraičnaja abarona Słonima. Červień 1941» z 30 červienia pa 4 lipienia budzie časova zakryty dla naviedvańnia plaž na tym ža Sałdackim voziery ŭ mikrarajonie Enka.
Čytajcie taksama:
15 trupaŭ i złamanaje kryło. Pad Minskam biazdumna zahubili cełuju kałoniju šerych čaplaŭ
U Miadźviedžynie tatalna vysiakajuć les. Aficyjnaja viersija — ratujuć ad karajeda
U Baranavickim rajonie pierad staradaŭniaj carkvoj śpiłavali drevy. Žychary aburanyja