U Homieli zaŭvažyli «kropielnicy» na drevach u parku. Navošta jany patrebnyja?
Naviedvalniki pałacava-parkavaha ansambla Rumiancavych-Paskievičaŭ źviarnuli ŭvahu na niezvyčajnyja kanstrukcyi, prymacavanyja da stvałoŭ starych dreŭ, piša vydańnie «Štodzień». Zboku jany nahadvajuć zvyčajnyja miedycynskija kropielnicy, tamu ŭ homielcaŭ uźnikli pytańni: što heta i navošta?
Jak vyśvietliłasia, havorka idzie pra sučasnuju sistemu injekcyj u stvoł dreva. Praź śpiecyjalnyja štucary ŭ sasudzistuju sistemu pastupova ŭvodziacca preparaty, jakija dapamahajuć drevam zmahacca z chvarobami, škodnikami abo pieranosić stresavyja ŭmovy, u tym liku praciahłuju śpioku.
Taki sposab ličycca bolš ekałahičnym za tradycyjnaje apyrskvańnie, bo rečyvy traplajuć niepasredna ŭ dreva i praktyčna nie raspaŭsiudžvajucca ŭ navakolnym asiarodździ.
Asabliva aktualna heta vyhladaje ciapier, kali Biełaruś pieražyvała anamalnuju śpioku, a staryja drevy adčuvali padvyšanuju nahruzku.
Čytajcie taksama:
U Biełaviežskaj puščy čeznuć viekavyja dubrovy. Navukoŭcy patłumačyli, što adbyvajecca
Lehiendarny dub Robina Huda ŭ Šervudskim lesie zahinuŭ
U Baranavickim rajonie pierad staradaŭniaj carkvoj śpiłavali drevy. Žychary aburanyja