Ale nie ad staraści, kažuć ekśpierty.
Dub ros u Šervudskim lesie ŭ Notynhiemšyry kala 1200 hadoŭ. Heta adno z samych staražytnych i vialikich dreŭ u krainie. U apošnija hady, niahledziačy na namahańni achoŭnikaŭ pryrody, vołat pačaŭ čachnuć, piša BBC.
Hetaj viasnoj na im upieršyniu nie źjaviłasia liścia, i Karaleŭskaje tavarystva abarony ptušak (RSPB) — pryrodaachoŭnaja arhanizacyja, jakaja kiruje lesam — paviedamiła, što Vialiki dub zahinuŭ.
Dakładnuju pryčynu vyznačyć składana. Tavarystva zajaviła, što tut supała mnostva faktaraŭ, ź jakich asnoŭnyja — «strukturnaje ŭmiašańnie z dobrych namieraŭ i zanadta šmat čałaviečaj aktyŭnaści», źviazanaj z drevam. Nastupstvy źmianieńnia klimatu, uklučajučy niadaŭnija chvali śpioki i zasuchi, uzmacnili prablemy, ź jakimi dreva niepaźbiežna sutykajecca ŭ takim uzroście.
Miortvy dub zastaniecca stajać na svaim miescy «jak manumient ludziam i dzikaj pryrodzie», zajaviła arhanizacyja. Akramia taho, pa ŭsim śviecie vysadžany jaho sadžancy.
Lehienda kaža, što razbojnik Robin Hud vykarystoŭvaŭ dupło Vialikaha duba — hetaja adtulina ŭtvaryłasia z-za hrybkoŭ — u jakaści schovišča.
U duba było šmat roznych nazvaŭ, a «Dub majora» zamacavałasia paśla taho, jak dreva było zhadana ŭ knizie majora Chiejmana Ruka, jakaja vyjšła ŭ 1790 hodzie. Były sałdat brytanskaj armii paśla demabilizacyi žyŭ u niekalkich milach ad Šervudskaha lesu.
Kamientary