Aeraport Pałm-Bič u Fłarydzie ciapier aficyjna nosić imia Trampa

Mižnarodny aeraport Pałm-Bič u amierykanskim štacie Fłaryda z 9 lipienia aficyjna nosić nazvu «Mižnarodny aeraport imia prezidenta Donalda Dž. Trampa». Z 18 žniŭnia taksama źmienicca jaho kod IATA — zamiest PBI budzie vykarystoŭvacca DJT.

Donald Tramp. Fota: Win McNamee/Getty Images

Akramia aeraporta, u Fłarydzie imiem Trampa nazvanyja niekalki darožnych abjektaŭ. Učastak Paŭdniovaha bulvara, jaki viadzie da trampavaj rezidencyi Mar-a-Łaha, ciapier nosić nazvu «Bulvar prezidenta Donalda Dž. Trampa». Taksama ŭ štacie jość «Šaša prezidenta Donalda Dž. Trampa» i avieniu Donalda Trampa ŭ horadzie Chajalija.

Šaša z takoj ža nazvaj isnuje i ŭ štacie Akłachoma.

Paśla viartańnia ŭ Bieły dom Tramp inicyjavaŭ pierajmienavańnie šerahu dziaržaŭnych ustanoŭ. U śniežni 2025 hoda Dziaržaŭny departamient ZŠA prysvoiŭ jaho imia Instytutu miru ŭ Vašynhtonie. U tym ža miesiacy kiraŭnictva Centra imia Kienedzi prahałasavała za ŭklučeńnie imia Trampa ŭ nazvu ŭstanovy, adnak užo ŭ červieni 2026 hoda sud pryznaŭ takoje rašeńnie niezakonnym, i centru viarnuli raniejšuju nazvu.

Niekatoryja abjekty nasili imia Trampa jašče da pačatku jaho palityčnaj karjery. Naprykład, u štacie Mantana jość vulica Trump Drive, a ŭ štacie Ńju-Jork — dziaržaŭny park imia Donalda Dž. Trampa, choć miascovyja ŭłady ciapier razhladajuć mahčymaść jaho pierajmienavańnia.

Kamientary da artykuła