Jak paviedamlaje vydańnie New York Post sa spasyłkaj na infarmavanyja krynicy, prezident ZŠA Donald Tramp razhladaje mahčymaść pierajmienavańnia Armuzskaha praliva ŭ svoj honar, kali ZŠA ŭstalujuć nad im kantrol.
Padčas vystupleńnia na inviestycyjnym forumie ŭ Majami Tramp navat zhadaŭ pra hety praliŭ, nazvaŭšy jaho «pralivam Trampa», a paśla dadaŭ, što heta nie była zusim vypadkovaja ahavorka.
«Jany pavinny razbłakavać praliŭ Trampa — heta značyć Armuzski. Prabačcie, jakaja prykraść… Takaja žachlivaja pamyłka. Fejkavyja naviny skažuć: jon abmoviŭsia — vypadkova skazaŭ. Nie, sa mnoj nie byvaje vypadkovaściaŭ, nie zanadta šmat», — zajaviŭ jon.
Pavodle infarmacyi žurnalistaŭ, u vypadku kantrolu nad hetym stratehičnym vodnym šlacham razhladajucca dva varyjanty nazvy: «Amierykanski praliŭ» abo «praliŭ Trampa».
Raniej Tramp adkłaŭ mahčymyja ŭdary pa iranskaj enierhietycy da 6 krasavika, kab praciahnuć pieramovy z Tehieranam, jakija, pavodle jaho słoŭ, iduć davoli paśpiachova. Jon taksama zaklikaŭ Iran razbłakavać praliŭ, praź jaki prachodzić značnaja častka suśvietnych pastavak nafty i zvadkavanaha hazu.
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami21
Kamientary
Donald, heta ŭžo nie śmiešna.