Mieksika padaje ŭ sud na Google praź pierajmienavańnie Mieksikanskaha zaliva
Urad Mieksiki aficyjna padaŭ pazoŭ suprać Google praź źmianieńnie nazvy Mieksikanskaha zalivu na «Zaliŭ Amieryki» dla karystalnikaŭ u ZŠA. Prezident Kłaŭdyja Šejnbaŭm adznačyła, što kampanija praihnaravała nieadnarazovyja zvaroty z patrabavańniem viarnuć histaryčnuju nazvu, piša The Verge.
Źmianieńnie źjaviłasia ŭ servisie Google Maps paśla taho, jak na pačatku svajho prezidenckaha terminu Donald Tramp padpisaŭ ukaz pra pierajmienavańnie zaliva. Choć dla mieksikanskich karystalnikaŭ nazva zastałasia niaźmiennaj, u ZŠA i niekatorych inšych rehijonach servis pačaŭ pakazvać nadpis «Gulf of America» abo «Gulf of Mexico (Gulf of America)».
Mieksikanskaja ŭłada zajaŭlaje, što ZŠA nie majuć prava pierajmianoŭvać mižnarodnyja hieahrafičnyja abjekty.
«My nie možam źmianiać nazvy častak inšych krain, i jany nie mohuć źmianiać našy. Častka zaliva, što naležyć Mieksicy, nie moža mieć inšuju nazvu», — padkreśliła Šejnbaŭm.
Da padačy pazovu Mieksika dasyłała aficyjnyja listy da Google z prośbaj nie vykarystoŭvać novuju nazvu. U adkaz vice-prezident kampanii ŭ dziaržaŭnych spravach Krys Terner paviedamiŭ, što Google nie płanuje źmianiać svaju palityku.
9 maja 2025 hoda Pałata pradstaŭnikoŭ ZŠA ŭchvaliła zakonaprajekt, jaki farmalizuje nazvu «Zalivu Amieryki». Administracyja Trampa raniej navat zabaraniła ahienctvu Associated Press udzielničać u bryfinhach u Biełym domie za admovu vykarystoŭvać novuju nazvu.
U adroźnieńnie ad Google i Apple, jakija padtrymali inicyjatyvu, servis MapQuest adkryta vyśmiejaŭ pierajmienavańnie, stvaryŭšy śpiecyjalny sajt, pryśviečany absurdnaści hetaj źmieny.
Mieksika nastojvaje, što sapraŭdnaja nazva — Mieksikanski zaliŭ — pavinna być zachavanaja na mižnarodnym uzroŭni.
Ciapier čytajuć
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie14
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1010
Kamientary