Alaksandr Bahdanovič praciahnie kiravać biełaruskim chakiejem

Alimpijski čempijon pa viesłavańni na bajdarkach i kanoe Alaksandr Bahdanovič znoŭ abrany staršynioj Fiederacyi chakieja Biełarusi. Takoje rašeńnie było pryniata 10 lipienia na spravazdačna-vybarnaj kanfierencyi arhanizacyi.

Alaksandr Bahdanovič

Inšych pretendentaŭ na pasadu nie vyłučałasia, tamu Alaksandr Bahdanovič byŭ abrany adkrytym hałasavańniem na novy čatyrochhadovy termin. Jon uznačaliŭ arhanizacyju ŭ kastryčniku 2021 hoda.

Da pierachodu na kiraŭničuju pracu ŭ sporcie Alaksandr Bahdanovič byŭ viadomym vieślarom. Na Alimpijskich hulniach u Piekinie ŭ 2008 hodzie jon zavajavaŭ załaty miedal, a na Hulniach u Łondanie ŭ 2012 hodzie — srebrany.

Paśla zakančeńnia spartyŭnaj karjery Bahdanovič u 2016—2019 hadach byŭ deputatam Pałaty pradstaŭnikoŭ Nacyjanalnaha schodu Biełarusi. U 2017 hodzie staŭ kiraŭnikom Biełaruskaj asacyjacyi studenckaha sportu, a ŭ 2021 hodzie byŭ abrany staršynioj kamisii spartsmienaŭ Nacyjanalnaha alimpijskaha kamiteta Biełarusi.

Kamientary da artykuła