Biełarus — siarod kandydataŭ na pasadu kiraŭnika Mižnarodnaj fiederacyi chakieju
Siarhiej Hančaroŭ, jaki niadaŭna byŭ vyłučany ŭ Radu Mižnarodnaj fiederacyi chakieja (IIHF), uvajšoŭ u aficyjny śpis kandydataŭ na pasadu prezidenta Mižnarodnaj fiederacyi chakieja, paviedamiła pres-słužba IIHF.
Usiaho za pieramohu na vybarach buduć zmahacca dzieviać kandydataŭ, piša «Biełaruski chakiej»
- Siarhiej Hančaroŭ (Biełaruś) — były namieśnik staršyni Fiederacyi chakieja Biełarusi, užo vyłučaŭsia na hetuju pasadu ŭ 2021 hodzie.
- Pietr Bržyza (Čechija) — staršy vice-prezident IIHF i viadomy ŭ minułym bramnik, ličycca adnym z hałoŭnych favarytaŭ vybarčaj honki.
- Franc Rajndl (Hiermanija) — člen Rady IIHF.
- Ajvaz Amarkanaŭ (Kyrhyzstan) — vice-prezident IIHF pa rehijonie Azii i Akijanii.
- Chienryk Bach-Nilsen (Danija) — člen Rady IIHF.
- Frank Hansales (Ispanija) — člen Rady IIHF.
- Zakaryja Chiečuašvili (Hruzija).
- Maćjaž Rakoviec (Słavienija).
- Jaan Miolder (Estonija).
Vybary prezidenta IIHF adbuducca ŭ kastryčniku 2026 hoda. Ciapierašni kiraŭnik IIHF Luk Tardzif raniej abviaściŭ, što pakinie svaju pasadu i nie budzie bałatavacca na novy termin.
Dadamo, što ad lutaha 2022 hoda, z pačatku poŭnamaštabnaha ŭvarvańnia va Ukrainu rasijskija i biełaruskija chakieisty adchilenyja ad mižnarodnych spabornictvaŭ, naprykład, prapuścili piać čempijanataŭ śvietu i ŭdzieł u adbory na chakiejny turnir na Alimpijadzie.
Adnak u kancy maja, da mižnarodnych spabornictvaŭ u 2027 hodzie dapuścili junackuju i žanočuju zbornyja Biełarusi. Pytańnie ab dopusku darosłych (to-bok nacyjanalnych) zbornych Biełarusi i Rasii budzie razhledžana ŭ vieraśni.
Ciapier čytajuć
Viačorka: Sustreča Sikorskaha z Ryžankovym moža ŭdaryć pa staŭleńni da biełarusaŭ u Jeŭropie23
Viačorka: Sustreča Sikorskaha z Ryžankovym moža ŭdaryć pa staŭleńni da biełarusaŭ u Jeŭropie
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Kamientary