«Juta» aficyjna abviaściła pra kantrakt z Vadzimam Marozam.
Kłub Nacyjanalnaj chakiejnaj lihi «Juta Mamant» aficyjna abviaściŭ pra padpisańnie kantraktu ź biełaruskim forvardam Vadzimam Marozam. Kantrakt pačatkoŭca raźličany na dva hady.
Z červienia 2022 hoda Vadzim vystupaŭ za minskaje «Dynama».
Taksama ŭ sistemie «Juty» karjeru praciahnie jašče adzin biełaruski chakieist — Jahor Borykaŭ, jaki padpisaŭ kantrakt uviesnu,
Abaronca Uład Kalačonak padpisaŭ kantrakt z «Ńju-Džersi». U minułym siezonie jon hulaŭ za «Dałas» i «Bostan», ale zhulaje ŭ sumie 13 matčaŭ
Forvard Daniła Klimovič, jaki naležyć sistemie «Vankuvier Kenaks», pierachodzić u «Fiładelfiju Fłajerz». Daniła hulaŭ za farm-kłub «Vankuviera» «Abatsford», za jaki ŭ minułym siezonie zabiŭ 18 hałoŭ i addaŭ 16 halavych pieradač. Za «Fiładelfiju» hulaje biełaruski hałkipier Alaksiej Kołasaŭ.
Uviesnu paviedamlałasia pra toje, što kantrakt z «Nešviłam» padpisaŭ Vital Pinčuk.
Kali Maroz, Borykaŭ, Pinčuk i Klimovič debiutujuć u novym siezonie ŭ NCHŁ (siezon pačynajecca ŭ kastryčnika), a nie buduć adpraŭlenyja ŭ farm-kłuby, to kolkaść biełarusaŭ, što hulali i hulajuć u najmacniejšaj lizie śvietu z 1992 hoda, składzie 23 (zaraz — 19).
U siezonie 2025‑2026 u NCHŁ zhulali vaśmiora biełarusaŭ:
Alaksiej i Illa Protasy («Vašynhton»), Jahor Šaranhovič («Kałhary», jon prosicca ŭ inšy kłub — NN), Mikita Tałapiła («Vankuvier»), Alaksiej Kołasaŭ («Fiładelfija»), Uład Kalačonak («Dałas»), Arciom Leŭšunoŭ («Čykaha»), Illa Sałaŭjoŭ («Pitsburh»).
Ciapier čytajuć
Viačorka: Sustreča Sikorskaha z Ryžankovym moža ŭdaryć pa staŭleńni da biełarusaŭ u Jeŭropie21
Viačorka: Sustreča Sikorskaha z Ryžankovym moža ŭdaryć pa staŭleńni da biełarusaŭ u Jeŭropie
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Kamientary