U papularnaj rasijskaj chałvie znajšli lišak kadmiju
U Biełarusi z prodažu zdymajuć partyju słaniečnikavaj chałvy «Ekanom» paśla taho, jak u joj vyjavili pieravyšeńnie dapuščalnaj normy kadmiju — ciažkaha mietału, jaki moža nazapašvacca ŭ arhaniźmie i być niebiaśpiečnym dla zdaroŭja, piša «Minskaja praŭda».
Fota ilustracyjnaje
Parušeńnie vyjavili śpiecyjalisty dziaržaŭnaha sanitarnaha nahladu padčas pravierki ŭ Jelskim rajonie Homielskaj vobłaści.
Havorka idzie pra słaniečnikavuju chałvu masaj 350 hramaŭ, vyrablenuju 28 lutaha 2026 hoda. Termin jaje prydatnaści zakančvajecca 28 kastryčnika 2026 hoda.
Vytvorcam pradukcyi źjaŭlajecca rasijskaje TAA «Azoŭskaja kandytarskaja fabryka» z padmaskoŭnych Myciščaŭ, a pastaŭlaje jaje ŭ Biełaruś kampanija TAA «Zdarovy pradukt».
Sanitarnaja słužba paviedamlaje, što hetaja partyja nie adpaviadaje patrabavańniam biaśpieki, tamu jaje zdymajuć z prodažu.
Čytajcie taksama:
Ci heta dakładna možna jeści? 10 biełaruskich praduktaŭ, jakija vas ździviać
Prodažy babrujskaha ziefiru z pasłablalnym efiektam tolki vyraśli
Ekanomny racyjon. Jakija nabory praduktaŭ možna kupić u biełaruskich kramach za 5 rubloŭ?