Upaŭnavažanaha pa spravach relihij i nacyjanalnaściaŭ padparadkavali niepasredna Łukašenku
Alaksandr Łukašenka padpisaŭ zakon, jaki źmianiaje status upaŭnavažanaha pa spravach relihij i nacyjanalnaściaŭ. Ciapier ahulnaje kiraŭnictva dziejnaściu hetaj dziaržaŭnaj struktury pierachodzić ad Savieta Ministraŭ da administracyi Łukašenki.
Upaŭnavažany pa spravach relihij i nacyjanalnaściaŭ Alaksandr Rumak. Fota: BiełTA
Zhodna z novym zakonam, upaŭnavažany budzie pryznačacca Alaksandram Łukašenkam i znachodzicca ŭ jaho niepasrednym padparadkavańni.
U pres-słužbie palityka adznačyli, što takaja źmiena pavinna pašyryć mahčymaści dla apieratyŭnaha ŭzajemadziejańnia i bolš chutkaha vyrašeńnia pytańniaŭ, jakija ŭvachodziać u kampietencyju ŭpaŭnavažanaha.
Asobna padkreślivajecca, što suviazi z zamiežnymi relihijnymi centrami, jakija pradstaŭlajuć viadučyja suśvietnyja kanfiesii, niaredka zakranajuć pytańni źniešniaj palityki i nacyjanalnaj biaśpieki. Niepasrednaje ž padparadkavańnie aparatu ŭpaŭnavažanaha Łukašenku dazvolić zrabić kaardynacyju pracy pa hetych napramkach bolš efiektyŭnaj.
Adnačasova z zakonam byŭ padpisany i ŭkaz, jaki zaćviardžaje novaje pałažeńnie ab upaŭnavažanym pa spravach relihij i nacyjanalnaściaŭ.
Čytajcie taksama:
Kruty: Vajskovyja zbory dla niadbajnych ahraryjaŭ buduć doŭžycca 2‑3 miesiacy
Chrenin raskazaŭ, jak budzie vykonvacca zahad Łukašenki ab adpraŭcy ahraryjaŭ-niedarek u vojska
Łukašenka pravioŭ novyja pryznačeńni siarod hienierałaŭ
Łukašenka rasparadziŭsia adpraŭlać u armiju ŭsich, chto nie ŭmieje pracavać padčas žniva