Chrenin raskazaŭ, jak budzie vykonvacca zahad Łukašenki ab adpraŭcy ahraryjaŭ-niedarek u vojska
Ministerstva abarony Biełarusi raspracoŭvaje płan dziejańniaŭ paśla zajavy Alaksandra Łukašenki ab nieabchodnaści pryciahvać da vajskovaj słužby tych rabotnikaŭ sielskaj haspadarki, jakija, na jaho dumku, nie vykonvajuć naležnym čynam svaje abaviazki padčas uboračnaj kampanii. Pra heta paviedamiŭ ministr abarony Viktar Chrenin paśla taho, jak nibyta zrabiŭ dakład Łukašenku (samoha Łukašenku, jak zvyčajna pa sieradach, nie pakazvali).
22 lipienia padčas narady, pryśviečanaj žnivu, Łukašenka, zakranajučy prablemu pracoŭnaj dyscypliny va ŭmovach deficytu kadraŭ, zajaviŭ, što zamiest prymianieńnia inšych mier uździejańnia tych, «chto nie ŭmieje pracavać», varta nakiroŭvać u vojska i na paŭdniovuju miažu krainy.
Pa słovach Viktara Chrenina, paśla hetaha daručeńnia vajskovyja kamisary ŭžo pačali padrychtoŭčuju rabotu. U najbližejšy čas jany praviaduć sumiesnyja narady z kiraŭnikami miascovych orhanaŭ ułady, vyznačać paradak dziejańniaŭ, paśla čaho buduć vyjazdžać u haspadarki, kab akazvać im nieabchodnuju dapamohu padčas uborki ŭradžaju.
Ministr udakładniŭ, što havorka nie idzie pra adpraŭku takich rabotnikaŭ na terminovuju vajskovuju słužbu. Pavodle jaho słoŭ, ludziej, jakija nie žadajuć dobrasumlenna pracavać, płanujecca pryzyvać na vajskovyja zbory.
Jak padkreśliŭ kiraŭnik Minabarony, metaj takich zboraŭ budzie nie «pieravychavańnie» niedyscyplinavanych rabotnikaŭ, a ŭdaskanaleńnie bajavoj padrychtoŭki vajennaabaviazanych. Jon adznačyŭ, što hetyja mierapryjemstvy buduć vykarystoŭvacca dla pavyšeńnia ŭzroŭniu vajskovaj padrychtoŭki reziervistaŭ.
Chrenin zajaviŭ, što Biełaruś nie ŭzvodzić umacavanych rajonaŭ na miažy z Ukrainaj
Łukašenka pravioŭ novyja pryznačeńni siarod hienierałaŭ
Łukašenka rasparadziŭsia adpraŭlać u armiju ŭsich, chto nie ŭmieje pracavać padčas žniva
Łukašenka zajaviŭ pra fakty kryšavańnia raskradalnikaŭ paliva z boku siłavikoŭ
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ7
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1111
Kamientary