«Ź Biełarusi ŭ turmu». Nazvu našaj krainy abyhrali na viasiołym šou ŭ Vilni
U centry Vilni ŭpieršyniu ŭ krainach Bałtyi ŭ ramkach Račnoha fiestyvalu (Upės festivalis) prajšło ekstremalnaje šou Red Bull Tandemynės, jakoje sabrała tysiačy hledačoŭ i dziasiatki ŭdzielnikaŭ. Śmielčaki na samarobnych tandemnych viełasipiedach spuskalisia z rampy, imknučysia prajechać ryzykoŭnuju trasu nad vadoj, adnak mnohija razam sa svaimi niezvyčajnymi kanstrukcyjami ŭrešcie apynulisia ŭ Vilii, piša vydańnie 15min.lt.
Fota z sacsietak Alesia Čachoŭskaha
Udzielniki spabornictvaŭ ździŭlali nie tolki chutkaściu, ale i fantazijaj. Kožnaja kamanda pavinna była padrychtavać aryhinalnaje pradstaŭleńnie pierad zajezdam. Hledačy ŭbačyli niezvyčajnyja kaściumy, kreatyŭnyja vobrazy, teatralizavanyja mini-pastanoŭki i samyja roznyja inžyniernyja vynachodnictvy.
Red Bull Tandemynės stali adnoj z hałoŭnych padziej fiestyvalu Jaunas kaip Vilnius («Małady, jak Vilnia»). Mer litoŭskaj stalicy Vałdas Biankunskas adznačyŭ, što takoje mierapryjemstva dapamahło pa-novamu adkryć raku Viliju jak miesca dla aktyŭnaha adpačynku.
Farmat šou, jaki ŭpieršyniu praviali ŭ Litvie i jaki byŭ vynajdzieny ŭ Niderłandach, vyklikaŭ vialikuju cikavaść. Tysiačy žycharoŭ Vilni i haściej horada nazirali za spabornictvami z nabiarežnych, atrymlivajučy asałodu nie tolki ad ekstremalnych zajezdaŭ, ale i ad kreatyŭnych vystupleńniaŭ kamandaŭ.
Dla biełarusaŭ ža najbolšuju cikavaść vyklikała adna z kamandaŭ, na samarobnym tandemie jakoj byŭ vyviedzieny nadpis From Belarus to Prison («Ź Biełarusi ŭ turmu»). Dy i sam srodak transpartu byŭ vykanany ŭ vyhladzie turemnaj kamiery.
Jakija sensy maje danosić hety słohan, možna zrazumieć z taho, čyja fihura lažyć pad nadpisam u płaŭkach i z tatuiroŭkami — sumnaviadomaha ŭ Litvie Antanasa Kandrotasa-Cełafanasa, jakoha biełaruskija prapahandysty niadaŭna «evakujavali» ź Litvy i jaki paśpieŭ dać biełaruskamu telebačańniu «intervju biez cenzury i ahladki».
Kamanda, jakaja prydumała hety numar, nazyvajecca Kontrabanda, i jaje ŭdzielniki — nie biełarusy.
Da finišu «kantrabandysty», darečy, nie dabralisia: ich kanstrukcyja ŭ peŭny momant pierakuliłasia i razam ź ludźmi na borcie ŭpała ŭ raku.
Čytajcie taksama:
Nie vytrymaŭ. Litoŭski dziejač, jaki ad suda na radzimie ŭciok u Biełaruś, trapiŭ u reanimacyju
Litoŭski dziejač pahražaŭ vysłać Cichanoŭskich u Minsk. A ŭ vyniku ŭciok u Biełaruś sam