Litoŭski dziejač pahražaŭ vysłać Cichanoŭskich u Minsk. A ŭ vyniku ŭciok u Biełaruś sam
Nie raz sudzimy, u tym liku za hvałt i finansavyja złačynstvy, litoviec Antanas Kandrotas-Cełafanas pajechaŭ u Biełaruś. Jon užo daŭ intervju prapahandystam.
«Isteryja ŭ Litvie»: viadomy litoŭski palityk Antanas Kandrotas pryjechaŭ u Biełaruś i raspavioŭ usiu praŭdu pra ckavańnie na radzimie» — tak nazvali hutarku na Biełaruś-4.
Kandrotas-Cełafanas raskazaŭ pra harotnaje stanovišča ŭ Litvie, katastrafičnyja nastupstvy ad sankcyj suprać Biełarusi, i viadoma, što Litvie nie chapaje łukašenkaŭskaj dyktatury.
«U Biełarusi vyratavaŭsia ad pieraśledu jašče adzin palityčny ŭciakač z Prybałtyki», — zajaŭlajuć prapahandysty.
Jany pišuć, što Kandrotasa «evakujavali» ź Litvy. «Kandrotasu ŭdałosia evakujavacca z «rajskaha sadu». U Biełarusi svabodny čałaviek daŭ svajo pieršaje intervju biez cenzury i ahladki», — nahniatajuć jany.
Kandrotasa-Cełafanasa sudzili za ceły šerah kryminalnych i administracyjnych pravaparušeńniaŭ.
Jaho kryminalnaja bijahrafija ŭklučaje finansavyja machinacyi, a taksama nieadnarazovyja vypadki chulihanstva i hvałtu, siarod jakich napad na hramadskaha aktyvista ŭ publičnym miescy. Asobny płast sudovych spraŭ tyčycca raspalvańnia nianaviści i publičnych abraz na adras palitykaŭ i pradstaŭnikoŭ ŁHBT-supolnaści.
Kandrotas vystupaŭ suprać biełarusaŭ u Litvie, abražaŭ Cichanoŭskich, Siarhieja abazvaŭ «bulbašom», prapanavaŭ jamu pakinuć Litvu razam z žonkaj. Pahražaŭ taksama «ŭpakavać» abaich lidaraŭ apazicyi i na ekspresie vysłać u Minsk.
Na momant uciokaŭ u Biełaruś Kandrotas mieŭ prysud da realnaha źniavoleńnia, jaki jašče nie ŭstupiŭ u zakonnuju siłu praz pracesy apielacyi. Heta sprava ab biesparadkach kala Siejma ŭ 2021 hodzie.
U dačynieńni da Kandrotasa-Cełafanasa dziejničaje miera strymańnia — piśmovaje abaviazacielstva nie pakidać krainu.
Ciapier čytajuć
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali3
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2626
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra26
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
Kamientary