Nie vytrymaŭ. Litoŭski dziejač, jaki ad suda na radzimie ŭciok u Biełaruś, trapiŭ u reanimacyju
Žyćcio ŭ Biełarusi i ščylnaja supraca ź biełaruskimi prapahandystami, vyhladaje, stała takim kałasalnym psichałahičnym i fizičnym stresam, što zdaroŭje ŭciekača nie vytrymała.
Litoviec Antanas Kandrotas-Cełafanas, jakoha biełaruskija prapahandysty «evakujavali» ź Litvy i jaki paśpieŭ dać biełaruskamu telebačańniu «intervju biez cenzury i ahladki», trapiŭ u Biełarusi ŭ reanimacyju. Takuju infarmacyju paviedamiŭ jaho advakat na apielacyjnym sudzie ŭ Vilni.
Vilniuski akruhovy sud byŭ vymušany adkłaści razhlad apielacyjnych skarhaŭ prarasijskaha litoŭskaha dziejača Antanasa Kandrotasa (viadomaha pad mianuškaj Cełafanas). Pasiadžeńnie pieraniesiena na 7 lipienia z-za chvaroby jaho advakata Erykasa Ruhieniusa, a taksama praz ekstranyja abstaviny z samim padazravanym.
Jak stała viadoma z začytanaha ŭ sudzie chadajnictva, Kandrotas zaraz znachodzicca ŭ Biełarusi, dzie ŭ jaho nibyta zdaryŭsia infarkt, i na dadzieny momant jon prachodzić lačeńnie ŭ adździaleńni intensiŭnaj terapii.
Kryminałki i napady na Cichanoŭskich
Na radzimie Kandrotasa sudzili za ceły šerah kryminalnych i administracyjnych pravaparušeńniaŭ. Jaho bijahrafija ŭklučaje finansavyja machinacyi, a taksama nieadnarazovyja vypadki chulihanstva i hvałtu. Asobny płast sudovych spraŭ tyčycca raspalvańnia nianaviści i publičnych abraz na adras palitykaŭ i pradstaŭnikoŭ ŁHBT-supolnaści.
Cełafanas taksama aktyŭna vystupaŭ suprać prysutnaści biełarusaŭ u Litvie. Jon abražaŭ Cichanoŭskich, Siarhieja nazvaŭ «bulbašom» i prapanoŭvaŭ jamu pakinuć krainu razam z žonkaj. Dziejač publična pahražaŭ «upakavać» abodvuch lidaraŭ apazicyi i «ekspresam vysłać u Minsk» — kudy ŭ vyniku, ratujučysia ad turmy, źbieh sam.
Na momant uciokaŭ u Biełaruś Kandrotas mieŭ prysud da realnaha źniavoleńnia, jaki jašče nie ŭstupiŭ u zakonnuju siłu praz pracesy apielacyi. Heta sprava ab biesparadkach kala Siejma ŭ 2021 hodzie.
Pry hetym u dačynieńni da jaho dziejničała miera strymańnia — piśmovaje abaviazak nie pakidać Litvu.
Ci hetaja raptoŭnaja chvaroba — instrumient dla zaciahvańnia jurydyčnych spraŭ na radzimie, ci žyćcio ŭ Biełarusi stała takim kałasalnym psichałahičnym i fizičnym stresam, što zdaroŭje ŭciekača nie vytrymała. Nieviadoma.
Ciapier čytajuć
Babaryka raskazaŭ, jak chadziŭ u KDB znajomicca sa spravaj svajho represavanaha dzieda, jaki moh być rasstralany ŭ Kurapatach5
Babaryka raskazaŭ, jak chadziŭ u KDB znajomicca sa spravaj svajho represavanaha dzieda, jaki moh być rasstralany ŭ Kurapatach
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych1616
Kamientary