Arcybiskup Tadevuš Kandrusievič užo bolš za 10 dzion u balnicy
Nakolki viadoma, situacyja była surjoznaja, ale jaje ŭdałosia stabilizavać.
80‑hadovy arcybiskup emieryt Tadevuš Kandrusievič užo bolš za 10 dzion znachodzicca ŭ špitali praz prablemy z sercam. Pra paharšeńnie jahonaha zdaroŭja stała viadoma, kali jon nie zmoh prybyć na parafijalnaje śviata ŭ Novałukomli 25 lipienia, paviedamlaje Katolik.life.
Arcybiskup tady pieradaŭ parafii vinšavalny list, u jakim adznačyŭ, što pa stanie zdaroŭja i patrabavańni daktaroŭ vymušany zastavacca pad nazirańniem. 26 lipienia, na śviacie dla ludziej stałaha vieku ŭ kafiedralnym kaściole Minska ijerarch taksama nie zmoh prysutničać — udzielnikam paviedamili, što jon u lakarni.
Nakolki viadoma, situacyja była surjoznaja, ale jaje ŭdałosia stabilizavać. Ciapier Kandrusievič praciahvaje stacyjanarnaje lačeńnie i ŭžo adčuvaje siabie značna lepš, čakaje vypiski na hetym tydni.
Akramia prablem z sercam arcybiskup maje onkazachvorvańnie, z recydyvam jakoha zmahajecca ŭžo amal paŭtara hoda.
Čytajcie taksama:
Vyjšła pa-biełarusku kniha pra Tadevuša Kandrusieviča. U zahałovak vyniesieny słovy jaho maci
Arcybiskup Tadevuš Kandrusievič raskazaŭ, jak pracavaŭ razam z budučym Papam Lvom XIV