Za siem miesiacaŭ 2026 hoda nacyjanalny avijapieravozčyk pavialičyŭ pasažyrapatok amal na 15% u paraŭnańni z anałahičnym pieryjadam 2025 hoda.
Z pačatku hoda kampanija pieraviezła amal 1,3 młn pasažyraŭ, paviedamlajecca na sajcie avijapieravozčyka.
Sa studzienia avijakampanija vykanała bolš za 10,5 tys. rejsaŭ, što na 3,7% bolš, čym za anałahičny pieryjad minułaha hoda, a taksama pieraviezła amal 1,3 młn pasažyraŭ, što na 14,6% bolš, čym za studzień — lipień 2025 hoda.
Kali paraŭnoŭvać miesiac da miesiaca, to ŭ lipieni 2026 hoda «Biełavija» vykanała 1842 rejsy, što na 8,3% bolš, čym u lipieni 2025 hoda (1701).
Što datyčycca ŭzroŭniu zapaŭnialnaści kresłaŭ, to ŭ hadavym vyražeńni hety pakazčyk pavialičyŭsia ŭsiaho na 0,5%. Tak, za siem miesiacaŭ 2026 hoda jon skłaŭ 84,9%, tady jak za anałahičny pieryjad minułaha hoda — 84,4%.
U cełym za siem miesiacaŭ 2026 hoda piaciorka haradoŭ z najbolšaj zapaŭnialnaściu rejsaŭ vyhladaje tak: Matała (Šry-Łanka), Niačanh (Vjetnam), Sańja (Kitaj), Stambuł, Tel-Aviŭ.
Pry hetym top-5 za lipień 2026 hoda adroźnivajecca: na pieršym miescy — Tel-Aviŭ, na druhim — Batumi, na trecim — Ufa. Zamykajuć piaciorku Jekaciarynburh i Tbilisi.
Kamientary