Pamiatajecie advakatku Karpušonak, jakaja abvinavačvała Łatušku ŭ charasmiencie? Jana pierabrałasia z Brazilii ŭ Hruziju
Volhu Karpušonak kidaje pa ŭsim śviecie, a sprava staić na miescy.
Volha Karpušonak. Tut i dalej fota ź jaje fejsbuku
Letaś byłaja advakatka i byłaja delehatka Kaardynacyjnaj rady Volha Karpušonak abvinavaciła Paŭła Łatušku ŭ charasmiencie — i zahadkava źnikła. U vyniku jana znajšłasia ŭ Brazilii — apublikavała videa sa znakamitaha plaža Kapakabana ŭ Rya-de-Žanejra.
Jašče ŭ červieni 2026 hoda Karpušonak vychvalałasia chajkinham u Rya. Ale niadaŭna žančyna raspaviała ŭ fejsbuku, što źmianiła łakacyju.
Akazvajecca, Volha ciapier žyvie ŭ Hruzii.
Uvieś hety čas jana praciahvała skardzicca na Łatušku kudy tolki mahčyma. Advakatka paviedamlała pra toje, što pisała i ŭ ispanskuju prakuraturu, i navat u Parłamienckuju asambleju Rady Jeŭropy.
Ciapier Karpušonak sprabuje damahčysia, kab jaje dapytali ŭ Hruzii. Ale pryznajecca, što sprava zaciahvajecca.
Nahadajem, nijakich dokazaŭ charasmientu Volha prademanstravać nie zmahła (choć spačatku i abiacała heta zrabić), Łatuška ž nazvaŭ usie abvinavačvańni paklopam.
Volha Karpušonak raniej była advakatkaj. U 2021 hodzie ŭ sacsietkach Biełaruskaj respublikanskaj kalehii advakataŭ źjaviŭsia vialiki tekst za jaje podpisam. U im Volha pisała, što advakatam nie varta vysoŭvacca. Ale nieŭzabavie i jaje samu pazbavili licenzii. Da pierajezdu ŭ Polšču Volha žyła va Ukrainie.
Čytajcie taksama:
Dzie ž sama delehatka KR Karpušonak, jakaja abvinavaciła Łatušku?
Łatuška praz sud patrabuje ad Karpušonak publičnych vybačeńniaŭ