Niechta ad imia Volhi Karpušonak vyjšaŭ na suviaź z «Našaj Nivaj»
Žurnalisty «Našaj Nivy» sprabavali źviazacca z Volhaj Karpušonak jašče z suboty paśla jaje publikacyi z abvinavačvańniem Paŭła Łatuški. Ale tolki ciapier atrymali adkaz ź jaje akaŭnta ŭ telehramie. Pytańniaŭ usio jašče bolš, čym adkazaŭ.
Dzie znachodzicca Karpušonak i ci jana kantraluje svoj telehram, nieviadoma. Na pytańnie pra svajo miesca znachodžańnia žančyna nie adkazvaje. Kali ž žurnalist «Našaj Nivy» paprasiŭ zapisać videa-kružočak u telehramie i ahučyć siońniašniuju datu, reakcyja była kateharyčnaj:
«Mahu zapisać, ale dakładna nie «Našaj Nivie», a svaim siabram i kaleham. Navošta vam kružočak ad «režymnaha ahienta»? Nie baču ŭ hetym nijakaha sensu dla siabie».
Na pytańnie «Ci praŭda, što vy ŭ Biełarusi?» z akaŭnta Volhi Karpušonak adkazali, što heta chłuśnia.
Surazmoŭca śćviardžaje, što žančyna ŭžo vyjšła na suviaź sa svaimi siabrami i kalehami z Kaardynacyjnaj Rady. My spytali, ci tak heta, u Taćciany Martynavaj, paplečnicy Karpušonak pa frakcyi ŭ KR «Chopić bajacca».
Taćciana, zdajecca, pytańniu ździviłasia, ale paćviardžać ci abviarhać infarmacyju pra kantakt z Volhaj nie stała.
Na łahičnaje pytańnie, čamu Volha nie publikuje kampramat na Paŭła Łatušku — kali sapraŭdy maje taki, — adkaz z akaŭnta Karpušonak taksama atrymaŭsia raspłyvisty: «A čamu ja pavinna vam niešta tłumačyć? Nie zusim razumieju. «Režymnaja padściłka» vam ničoha nie vinna».
Adznačym, što «NN» tak delehatku KR nie nazyvała.
Surazmoŭca ad imia Volhi napisaŭ, što praciah historyi abaviazkova budzie.
Lavončyk: Sumniajusia, što Karpušonak kantraluje svoj akaŭnt. Heta abaroty z padručnika prapahandy
«Takoje ž pošłaje i durnoje». U Łatuški adkazali na novaje videa Volhi Karpušonak
Delehatka KR Karpušonak paśla maŭčańnia apublikavała videa
Dzie ž sama delehatka KR Karpušonak, jakaja abvinavaciła Łatušku?
«Jaje dziejańni inśpiravanyja śpiecsłužbami». Pavieł Łatuška daŭ žyvy efir i adkazaŭ na abvinavačvańni Volhi Karpušonak u damahańniach
«Nie vieru, što heta piša jana». Taćciana Martynava śćviardžaje, što Karpušonak taksama źnikła
Pry Łatušku kruhłasutačna znachodzicca pryłada, jakaja moža vyličyć jaho miescaznachodžańnie z dakładnaściu da mietra
Łatuška abviarhaje abvinavačańni ŭ charasmencie ad delehatki KR Karpušonak
Kamientary
Riebiata, nikto nie somnievajetsia v tom, čto vy uničtožajetie vsio biełaruskaje v Biełarusi v uhodu skotnoho dvora łukašienko.