Vialiki numar u hateli kala akijana ŭ elitnym rajonie Rya-de-Žanejra. Jak žyvie Karpušonak, jakaja nie daje pra siabie zabyć
Volha Karpušonak zapisała novaje videa, kab pakazać, što jana nie ŭ Biełarusi. My vyznačyli, dzie ciapier žyvie byłaja delehatka Kaardynacyjnaj rady.
Dva miesiacy tamu, u pačatku vieraśnia, kali paśla abvinavačańniaŭ u adras Paŭła Łatuški Volha Karpušonak niekalki dzion nie vychodziła na suviaź, pa jaje videa ŭ telehramie ŭdałosia vyśvietlić, što jana znachodzicca na znakamitym plažy Kapakabana ŭ Rya-de-Žanejra.
Ciapier u kadry — akijan, ale ź inšaha rakursu: vid z bałkona šmatpaviarchovaha budynka. Vizualnych padkazak było niašmat, adnak paznać miesca dapamahli charakterny ŭzor plitki na tratuary i sietkavyja karaby dla kandycyjanieraŭ na fasadzie budynka.
Jak vyśvietliłasia, Karpušonak spyniłasia ŭ apart-hateli na ŭźbiarežžy ŭ rajonie Bara-da-Tyžuka. Heta adzin z samych sučasnych i zamožnych rajonaŭ Rya-de-Žanejra. Jon viadomy samym doŭhim plažam u horadzie (kala 18 km), madernisckaj architekturaj, vialikimi žyłymi kompleksami i vysokim uzroŭniem biaśpieki. Tut raźmiaščajucca handlovyja centry, univiersitety, ofisy, a taksama asnoŭnyja abjekty Alimpijady 2016 hoda. Atmaśfiera Bary spałučaje kamfort zamožnaha pryharada z kurortnym ładam žyćcia — heta svojeasablivy «brazilski Majami».
Sam apart-hatel (jaho nazvu my śviadoma nie nazyvajem) uźviedzieny ŭ 2000 hodzie. Apart-hateli adroźnivajucca ad zvyčajnych tym, što prapanujuć numary, prydatnyja dla doŭhaterminovaha pražyvańnia, bo jany abstalavanyja ŭsim nieabchodnym — faktyčna heta nievialikija kvatery z usimi vyhodami.
U hetym hateli numary majuć kuchniu ź plitoj, duchoŭkaj i chaładzilnikam, a taksama pralnuju mašynu ŭ vannym pakoi.
Numar płoščaj kala 50—60 m² kaštuje ŭ siarednim 190—200 dalaraŭ za noč. Jon składajecca z haścinaj kala 20 m², da jakoj prymykaje nievialikaja kuchnia-niša, spalni płoščaj kala 15 m² i vannaha pakoja z dušam. Z haścinaj i spalni praź vialikija rassoŭnyja vokny možna vyjści na prastorny bałkon, ź jakoha adkryvajecca krajavid na Atłantyčny akijan, plaž i łahunu Marapiendy z harami na haryzoncie.
Dla haściej praduhledžany biaspłatnaja pryvatnaja parkoŭka, saŭna i adkryty basiejn ź vidam na mora. Da plažu — litaralna niekalki dziasiatkaŭ mietraŭ: treba tolki pierajści avieniu Łusiu Kosta, jakoje ciahniecca ŭzdoŭž usiaho ŭźbiarežža.
Pa vodhukach u Google, hatel maje acenku 4,6 zorki. Hości chvalać jaho raźmiaščeńnie, krajavidy i kamfort, ale sustrakajucca i krytyčnyja vodhuki: budynku patrebny ramont, bo jon vyhladaje zaniadbanym, akramia abnoŭlenaj zony resepšna. Skardziacca taksama na pavolnyja lifty, praciečki ŭ hulniavoj zonie i «impravizavany duš» u basiejnie.
Ciapier čytajuć
Chto pradaŭ kvateru ŭ «Majaku Minska» źnikłaj Mielnikavaj? Takoha čałavieka nie isnuje5
Kamientary
Jak???