U Ałmaty praz błekaŭt pieranieśli kancert Kańje Uesta
Dniom 14 žniŭnia adrazu ŭ čatyroch krainach Centralnaj Azii — Kyrhyzstanie, Kazachstanie, Tadžykistanie i Uźbiekistanie — adbylisia maštabnyja pieraboi z elektrazabieśpiačeńniem. U tym liku i praz prablemy z elektryčnaściu sarvaŭsia pryznačany na hety dzień vystup u Ałmaty amierykanskaha repiera Kańje Uesta.
Ciemradź na stadyjonie ŭ Ałmaty, na jaki ludzi pryjšli słuchać Kańje Uesta. Skrynšot ź videa
Šou pavinna było adbycca na Centralnym stadyjonie Ałmaty, ale arhanizatary ŭ apošni momant vyrašyli pieranieści jaho na 15 žniŭnia, choć publika ŭžo navat sabrałasia. U jakaści aficyjnaj pryčyny nazyvajecca, praŭda, nie tolki błekaŭt, ale i kiepskaje nadvorje.
Jak vyśvietliłasia, pryčynaj błekaŭta adrazu ŭ čatyroch krainach Centralnaj Azii było adklučeńnie dvuch hidrahienierataraŭ na Taktahulskaj HES u Kyrhyzstanie, paviedamiła pres-słužba sistemnaha apieratara Adzinaj enierhietyčnaj sistemy Kazachstana AAT «KEGOC».
Čytajcie taksama:
Adrazu ŭ čatyroch krainach Centralnaj Azii adbyŭsia błekaŭt
«Uklučycie śviatło». Kubincy pratestujuć suprać uładaŭ na fonie poŭnaha błekaŭtu
Upieršyniu padniaŭsia ŭ nieba najbujniejšy ŭ śviecie elektryčny samalot