19‑hadovy biełarus na hałoŭnym kibierspartyŭnym šachmatnym turniry śvietu zarabiŭ užo jak minimum $190 tysiač

19‑hadovy biełaruski hrosmajstar Dzianis Łazavik prabiŭsia ŭ finał hałoŭnaha kibierspartyŭnaha šachmatnaha turniru śvietu — Esports World Cup. Vočny turnir prachodzić u Paryžy. U spabornictvach udzielničajuć 16 najmacniejšych šachmatystaŭ śvietu, a matčy prachodziać pa sistemie na vybyvańnie, paviedamlaje betnews.by.

Dzianis Łazavik

U paŭfinale Łazavik pieramoh amierykanskaha šachmatysta japonskaha pachodžańnia Chikaru Nakamuru ź likam 2:0.

Vychad u finał užo harantavaŭ biełarusu 190 tysiač dalaraŭ pryzavych — takuju sumu atrymaje ŭładalnik druhoha miesca. Pieramožca turniru atrymaje 250 tysiač dalaraŭ.

U finale Łazavik sustreniecca ź pieramožcam druhoha paŭfinału, dzie zhulajuć francuz Alireza Firudža i viadomy narviežski hrosmajstar Mahnus Karłsen.

Kamientary da artykuła