46‑hadovy bieraściejec šukaŭ pracu ŭ Amsterdamie. A jak nie skłałasia, to pajšoŭ na front ź vidavočnym vynikam
Andrej Fiłaniuk nie znajšoŭ zaniatak u Jeŭrasajuzie, plunuŭ i pajechaŭ u Maskvu.
Andrej Fiłaniuk. Fota ź jahonaj staronki Ukantakcie
Andrej Fiłaniuk naradziŭsia 5 sakavika 1980 hoda ŭ Breście. Bolš za 15 hadoŭ jon pracavaŭ u śfiery drevaapracoŭki i meblevaj vytvorčaści — byŭ apierataram stankoŭ, stvaraŭ čarciažy ŭ śpiecyjalizavanych prahramach i zajmaŭsia mietałaapracoŭkaj.
Mužčyna rabiŭ sprobu pierabracca ŭ Jeŭrasajuz: jašče ŭvosień 2021 hoda jon vylecieŭ u Niderłandy na pracu. U 2023‑m Fiłaniuk šukaŭ vakansii apieratara stankoŭ u Amsterdamie z zarobkam ad 2400 jeŭra.
Adnak zamacavacca ŭ Jeŭropie nie atrymałasia, i jon apynuŭsia ŭ Rasii — uletku 2023 hoda padpracoŭvaŭ u maskoŭskich servisach taksi, hruzčykam i aŭtadapamohaj.
U vyniku bieraściejec vyrašyŭ padacca na vajnu suprać Ukrainy. Niadaŭna jaho blizkija apublikavali ŭ sacsietkach abviestki z prośbaj ab dapamozie ŭ pošuku: Andrej «Fił» Fiłaniuk pradkazalna źnik bieź viestak padčas čarhovaha marnaha šturmu.
Čytajcie taksama:
Stała viadoma, što za «sindykat» staić za sajtam, jaki viarbuje biełarusaŭ vajavać za Rasiju