Minski miedyk pajšoŭ vajavać za Rasiju, praź miesiac atrymaŭ ciažkaje ranieńnie, a ciapier vybivaje vypłaty, siedziačy ŭ invalidnym vazku
26‑hadovy supracoŭnik minskaj balnicy chutkaj dapamohi Cichan Badyraŭ pajechaŭ najmitam na vajnu suprać Ukrainy, byŭ pryznačany kamandziram evakuacyi i praź miesiac ciažka paranieny. Jon viarnuŭsia ŭ Biełaruś i ciapier vyśviatlaje ŭ rasijskich čatach, dzie jahonyja bajavyja — akład jamu spačatku źmienšyli da $120, a paśla zvolnili.
Cichan Badyraŭ naradziŭsia 28 červienia 2000 hoda. Jon z Hłybokaha. Chłopiec pierajechaŭ u Minsk i skončyŭ Biełaruski dziaržaŭny miedycynski kaledž pa śpiecyjalnaści «Siastrynskaja sprava».
Paśla jon pracavaŭ miedycynskim bratam u nieŭrałahičnym adździaleńni Balnicy chutkaj miedycynskaj dapamohi ŭ Minsku. Pa-za pracaj Badyraŭ zachaplaŭsia valejbołam i navat vystupaŭ za zbornuju svajoj balnicy. Akramia hetaha, pavodle ŭciečak z baz, jon padzarablaŭ u taksi i hulaŭ u anłajn-kazino.
U žniŭni 2025 hoda Badyraŭ vyrašyŭ padpisać hadavy kantrakt ź Ministerstvam abarony Rasii. Kab aformicca najmitam u rasijskaje vojska, jon vyjechaŭ u rasijski Uładzimir, dzie atrymaŭ adnadzionnuju časovuju rehistracyju.
Biełarusa adpravili ŭ 1‑iu hvardziejskuju tankavuju armiju. Dziakujučy cyvilnaj śpiecyjalnaści jaho pryznačyli vajskovym miedykam i pastavili kamandavać evakuacyjnaj hrupaj, a paśla prysvoili zvańnie staršaha siaržanta.
Bajavy šlach najmita ciahnuŭsia niadoŭha: Badyraŭ ciaham miesiaca atrymaŭ ciažkaje ranieńnie ź pierałomam i apynuŭsia ŭ vajskovym špitali ŭ Biełharadskaj vobłaści.
Paśla lačeńnia jon faktyčna pravioŭ reštu terminu kantrakta ŭ biaskoncych reabilitacyjnych adpačynkach. Pry hetym Cichan chvaliŭsia ŭ čatach, što jaho pradstaŭlali da troch rasijskich dziaržaŭnych uznaharod, i kateharyčna admaŭlaŭsia atrymlivać rasijski pašpart, raźličvajučy na śpiecyjalnyja ŭmovy dla biełarusaŭ.
Były minski miedbrat znachodzicca ŭ Biełarusi. Niadaŭna raspytvaŭ u rasijskich jurydyčnych čatach, jak atrymać hubiernatarskija hrošy ad uład Uładzimirskaj vobłaści za ciažkaje ranieńnie i čamu jahony słužbovy akład u asabistym kabiniecie raptoŭna źmienšyli z 24 da 10 tysiač rasijskich rubloŭ (kala $120).
U žniŭni 2026 hoda hadavy kantrakt Badyrava skončyŭsia, i kamandavańnie zvolniła jaho bieź viartańnia na front. Ciapier jon sprabuje vyśvietlić u tych ža čatach, jak atrymać jašče choć niešta, ale, padobna, jamu ničoha nie śviecić.
Pavodle biełaruskaha zakanadaŭstva, za najmictva jamu mahło b pahražać da dvanaccaci hadoŭ pa artykule 133 Kryminalnaha kodeksa.
«Naša Niva» — bastyjon biełaruščyny
PADTRYMAĆCiapier čytajuć
Paśla biełaruskaj vioski Šnajderaŭ bolš nie biantežyć pytańnie ŁHBT. Siamja z Hiermanii, jakaja stała hierojami prapahandy, viartajecca ŭ ES28
Kamientary
[Zredahavana]