Mahilaŭčanka adsudziła ŭ byłoha muža 500 rubloŭ za abrazy ŭ vajbiery
Praŭda, chacieła 10 tysiač kampiensacyi.
Fota ilustracyjnaje
Sud Leninskaha rajona Mahilova razhledzieŭ hramadzianskuju spravu pa pazovie miascovaj žycharki, jakaja patrabavała kampiensacyi maralnaj škody za abrazy.
Žančyna i mužčyna majuć ahulnaha 10‑hadovaha syna. U aficyjnym šlubie jany nie byli i nieŭzabavie paśla naradžeńnia dziciaci pierastali žyć razam. Pry hetym pamiž baćkami pieryjadyčna ŭźnikali kanflikty nakont paradku sustreč baćki z synam i jaho ŭdziełu ŭ vychavańni dziciaci.
7 červienia 2026 hoda mužčyna adpraviŭ žančynie praz Viber hałasavyja paviedamleńni z abrazami, naŭmysna pryniziŭšy jaje honar i hodnaść. Za heta jaho pryciahnuli da administracyjnaj adkaznaści pavodle č. 1 art. 10.2 KaAP Biełarusi.
Paźniej žančyna źviarnułasia ŭ sud i zajaviła, što padobnyja abrazy zdaralisia i raniej, ale raniej jana ŭ milicyju nie źviartałasia. Adnak ža paśla kanfliktu ŭ červieni jana vyrašyła abaranić svaje pravy, pakolki situacyja zakranuła i ich niepaŭnaletniaha syna.
Pavodle słoŭ žančyny, paśla abrazaŭ jana adčuvała emacyjnaje źniasileńnie, biezdapamožnaść i nieabaronienaść, u jaje ŭźnikli prablemy sa snom, hałaŭnyja boli i boli ŭ vobłaści serca. Jana paprasiła sud spahnać z mužčyny 10 tysiač rubloŭ u jakaści kampiensacyi maralnaj škody, a taksama sudovyja vydatki.
Sam mužčyna pazoŭ nie pryznaŭ. Adnak ža, vyvučyŭšy dokazy, sud paličyŭ patrabavańni žančyny abhruntavanymi. U vyniku z adkazčyka na jaje karyść spahnali 500 rubloŭ kampiensacyi maralnaj škody, 135 rubloŭ dziaržaŭnaj pošliny i 850 rubloŭ vydatkaŭ na jurydyčnuju dapamohu.
Čytajcie taksama:
U Padmaskoŭi biełarus zabiŭ inšaha biełarusa. A paśla ad kryŭdy raździeŭ jaho dahała
63‑hadovaha byłoha pamiežnika z Mahilova asudzili za abrazu Łukašenki