63‑hadovaha byłoha pamiežnika z Mahilova asudzili za abrazu Łukašenki
Valancinu Łazoŭskamu dali chatniuju chimiju.
63‑hadovy Valancin Łazoŭski rodam z Babrujska, ale ciapier žyvie ŭ Mahilovie. U maładości, pačynajučy z 1980 hoda, jon słužyŭ u 98‑m Čarnavickim pamiežnym atradzie (vajskovaja čaść 2195 H).
Mužčyna viadzie zvyčajnaje žyćcio: chodzić na rybałku, zajmajecca fatahrafijaj i haduje sabaku.
Sud Leninskaha rajona Mahilova pryznaŭ piensijaniera vinavatym pavodle častki 1 artykuła 368 KK — «abraza Łukašenki». Valancinu prysudzili chatniuju chimiju.
Masavyja palityčnyja represii ŭ krainie pačalisia paśla 2020 hoda. Tady Alaksandr Łukašenka prajhraŭ Śviatłanie Cichanoŭskaj, ale nie addaŭ joj ułady, a zmusiŭ jaje vyjechać za miažu. Heta vyklikała masavyja narodnyja pratesty, u jakich udzielničali miljony ludziej. U adkaz na heta ŭłady raspačali aryšty.
Pavodle padlikaŭ abjadnańnia siłavikoŭ «Biełpoł» i pravaabaroncaŭ, viadomyja imiony jak minimum 10050 čałaviek, jakija padpali pad palityčna matyvavanyja kryminalnyja spravy. Usiaho tyja ci inšyja palityčnyja represii (kryminałki, administratyŭki, zvalnieńni, pieratrusy, vymušanaja emihracyja) začapili sotni tysiač biełarusaŭ.
«Ekstremizmam» ułady Biełarusi ličać patrabavańnie pravieści svabodnyja vybary z prazrystym padlikam hałasoŭ, a taksama praktyčna ŭsialakuju krytyku ŭładaŭ, prarasijskich histaryčnych naratyvaŭ, prajavy salidarnaści z Ukrainaj, antyvajennyja vystupy.
«Naša Niva» — bastyjon biełaruščyny
PADTRYMAĆCiapier čytajuć
Płanavali viasielle, ale nie viarnulisia z adpačynku. Što viadoma pra 21‑hadovaha Hleba i 20‑hadovuju Nastaśsiu, jakija zahinuli ŭ avaryi ŭ Hruzii2
Płanavali viasielle, ale nie viarnulisia z adpačynku. Što viadoma pra 21‑hadovaha Hleba i 20‑hadovuju Nastaśsiu, jakija zahinuli ŭ avaryi ŭ Hruzii
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»77
Kamientary