Raźvitańnie ź Milinkievičam adbudziecca ŭ Varšavie ŭ subotu, 22 žniŭnia
Z palitykam možna budzie raźvitacca ŭ hałoŭnym katalickim chramie Varšavy, a pachavajuć jaho na Vajskovych mohiłkach u Pavonzkach.
Alaksandr Milinkievič
Kandydata ŭ prezidenty Biełarusi — 2006 Alaksandra Milinkieviča pachavajuć u Polščy na dziaržaŭnym uzroŭni. Žałobnyja cyrymonii adbuducca ŭ subotu, 22 žniŭnia.
Z 10‑j hadziny truna budzie raźmieščana ŭ Sabory Śviatoha Jana Chryściciela — hałoŭnym katalickim chramie Varšavy. A 12‑j tam ža adbudziecca imša.
Pachavajuć Alaksandra Milinkieviča a 15‑j na Vajskovych mohiłkach u Pavonzkach.
Na hetych mohiłkach, siarod inšaha, pachavanyja mnohija zahinułyja ŭ baraćbie za niezaležnaść Polščy. Tam ža adkryty i pomnik achviaram smalenskaj avijakatastrofy.
Alaksandr Milinkievič pamior 11 žniŭnia 2026 hoda. Jamu było 79 hadoŭ.
Čytajcie taksama:
«Sa šlachietnaj dušoj, ale nievierahodna ścipły». Viadomyja biełarusy ŭspaminajuć Milinkieviča