Cana na adnyja i tyja ž leki ŭ roznych aptekach moža adroźnivacca ŭdvaja. Minhandlu patłumačyła, čamu tak

U Biełarusi ceny na adny i tyja ž leki ŭ roznych aptekach mohuć istotna adroźnivacca. Pradstaŭnik Ministerstva antymanapolnaha rehulavańnia i handlu ŭ efiry telekanała «Biełaruś 1» patłumačyŭ, što takaja roźnica nieabaviazkova śviedčyć pra parušeńni.

Zdymak ilustracyjny. Fota: Lookby.media

Načalnik upraŭleńnia sacyjalnaj śfiery i pasłuh Minhandlu Anatol Jurastaŭ raskazaŭ, što śpiecyjalisty viedamstva štomiesiac analizujuć ceny na leki praź internet-servisy, u tym liku Tabletka.by i 103.by.

Pavodle jaho słoŭ, parušeńni pry pravierkach vyjaŭlajucca redka.

Žurnalisty pryviali prykład adnaho z preparataŭ, košt jakoha ŭ roznych aptekach Minska adroźnivaŭsia ad 40 da 69 rubloŭ.

Pradstaŭnik ministerstva pryznaŭ, što takaja roźnica, jakaja dasiahaje amal dvuchrazovaj, sapraŭdy mahčymaja. Pry hetym jana moža być abumoŭlenaja roznym časam pastaŭki, kursavymi vahańniami, partyjaj tavaru i handlovaj nadbaŭkaj, jakuju ŭstanaŭlivaje apteka.

Kali ŭ kupca ŭźnikajuć sumnieńni nakont rezkaha abo nieabhruntavanaha pavyšeńnia cany kankretnych lekaŭ, jon moža źviarnucca ŭ Minhandlu. Śpiecyjalisty pravierać infarmacyju i pry nieabchodnaści daduć acenku cenaŭtvareńniu.

Kamientary da artykuła