U Biełarusi zarehistravali preparat na asnovie siemahłutydu «Siemavik», pryznačany dla lačeńnia cukrovaha dyjabietu 2‑ha typu.
Jon staŭ pieršym u krainie aficyjnym anałaham aryhinalnaha dackaha «Aziempiku» i ŭžo dastupny dla pacyjentaŭ, piša «Miedycynski vieśnik».
Aryhinalny dacki miedpreparat atrymaŭ suśvietnuju viadomaść jašče ŭ 2022 hodzie dziakujučy svajmu «pabočnamu» efiektu — jon dapamahaje chutka źnižać lišniuju vahu, nahadvaje Onliner.by.
Raniej u biełaruskich aptekach jaho možna było nabyć tolki pa razavych dazvołach Ministerstva achovy zdaroŭja: niezarehistravany srodak uvoziŭsia ŭ krainu kropkava. Z-za hetaha lek nie zaŭsiody byŭ u najaŭnaści i ŭ patrebnaj kolkaści.
Ciapier ža Ministerstva achovy zdaroŭja aficyjna siertyfikavała alternatyvu. Vytvorca pieršaha zarehistravanaha ŭ krainie anałaha — rasijskaja farmaceŭtyčnaja kampanija «Hierafarm».
Lek stroha recepturny. Košt rastvoru dla injekcyj u aptekach vahajecca ŭ miežach 261—280 rubloŭ.
Kamientary
Pa-druhoje, jany kuplajuć kitajski siemahłutyd i raźlivajuć jaho ŭ zakuplenyja šprycy — voś i ŭsia ich vytvorčaść. Pry hetym košty jak u Rasii, tak i ŭ Biełarusi vyhladajuć trochi nieadekvatnymi zatračanym namahańniam i srodkam.
Pa-treciaje, «Siemavik», jak i «Aziempik», maralna sastareli. Zaraz aktualny preparat «Siedžara», jaki taksama vypuskajecca «Hierafarmam». Jon źjaŭlajecca anałaham amierykanskaha «Mundžara», jaki ŭžo viadomy ŭ Biełarusi pa ŭžyvańni adnym palityčnym dziejačam.
Tym nie mienš, heta navina dobraja: preparat rabočy i zapatrabavany va ŭsim śviecie.