Uładalnik minskich akvaparkaŭ atrymaŭ prava hnać samahonku
Kamunalnaje pradpryjemstva «Akva-Minsk» uvajšło ŭ pieralik arhanizacyj, jakim u Biełarusi dazvolena vyrablać tak zvanyja «aryhinalnyja ałkaholnyja napoi» — u tym liku samahonku, zaŭvažyła vydańnie «Biełorusy i rynok».
Zdymak ilustracyjny. Fota: magnific.com
«Akva-Minsk» viadomy jak apieratar akvaparkaŭ «Labiažy» i «Mandaryn», fizkulturna-azdaraŭlenčaha kompleksu «Sierabranka», sietki hatelaŭ, miedcentra i tenisnaha kompleksu. Pradpryjemstvu taksama padparadkoŭvajucca park-hatel «Na tym bierazie» i historyka-kulturny kompleks «Łošycki».
Jak vynikaje z pastanovy Savieta Ministraŭ, licenzija na vytvorčaść samahonu budzie dziejničać mienavita ŭ padraździaleńni, źviazanym z «Łošyckim».
Ciapier u abnoŭlenym dziaržaŭnym śpisie naličvajecca 28 vytvorcaŭ samahonki. Siarod ich — lashasy, zapaviedniki, fiermierskija haspadarki i bujnyja turystyčnyja kompleksy, u tym liku «Čyrvony Bor», «Dudutki», «Stańkava», «Karobčycy» i «Nanosy».
Raniej u śpisie było 30 pradpryjemstvaŭ, ale dva ź ich zbankrutavali. Siarod ich — «Haścinny majontak», jaki pracavaŭ na terytoryi harnałyžnaha kompleksu «Łahojsk», a taksama pradpryjemstva pry hateli-siadzibie «Višniovy sad» u Mahiloŭskaj vobłaści.
Čytajcie taksama:
Na Ščučynščynie likvidavali padpolny brovar
U Małarycie mužčyna atrymaŭ traŭmy pry vybuchu samahonnaha aparata