Rodzičy šukajuć žychara Śvietłahorska i jahonuju žonku, jakija praz pahrozu represij źjechali ź Biełarusi. Jany źnikli bolš za hod tamu

Bolš za hod nie vychodziać na suviaź uradženiec Śvietłahorska Pavieł Anichoŭski i jahonaja žonka Jana. Siabry siamji sprabujuć znajści ich, ale pakul biespaśpiachova, piša «Viasna».

Pavieł Paŭłavič Anichoŭski naradziŭsia 11 vieraśnia 1988 hoda ŭ Śvietłahorsku. Viadoma, što jon pracavaŭ u śfiery IT. Paśla pačatku masavych represij jany z žonkaj vyjechali ź Biełarusi i apošnija niekalki hadoŭ žyli ŭ Polščy, dzie Pavieł taksama pracavaŭ u IT-kampanii.

Siabry siamji raskazali, što apošni raz Pavieł źviazvaŭsia z maci ŭ traŭni abo červieni 2025 hoda. Z taho času ŭsie namahańni źviazacca ź im abo ź jahonaj žonkaj nie prynosiać plonu.

Praz chvalavańni za los syna jahonaja maci ŭ Śvietłahorsku praktyčna straciła zrok. Siabry imknucca joj niejak dapamahać, ale najlepšaj dapamohaj stała b niejkaja viestka pra syna dy niaviestku.

Kamientary da artykuła