Na adnoj z hrodzienskich vulic zaŭvažyli mietrovaha vuža FOTY

Žychary vulicy Dambroŭskaha ŭ Hrodnie nie čakali sustreć u svaim dvary pradstaŭnikoŭ dzikaj pryrody, adnak kala doma № 47 dniami zaŭvažyli davoli vialikuju źmiaju. Videa ź niečakanaj sustrečaj trapiła ŭ redakcyju sajta Newgrodno.by.

Fota: Newgrodno.by

Pamieram źmiaja była kala mietra. Miarkujučy pa źniešnim vyhladzie, heta byŭ zvyčajny vuž. Ubačyli jaho maładaja dziaŭčyna i dzicia. Sustreča akazałasia niečakanaj i dla ludziej, i dla samoha paŭzuna.

Kali haradžanie zaŭvažyli źmiaju pobač, jany spałochalisia i zakryčali. Ad rezkaha huku vuž taksama zaniervavaŭsia: jon padniaŭ piaredniuju častku cieła nad ziamloj, pryniaŭšy abarončuju pozu.

Na ščaście, usio skončyłasia biez nastupstvaŭ. Nichto nie paciarpieŭ, a źmiaja nieŭzabavie papaŭzła ŭ bolš biaśpiečnaje miesca.

Śpiecyjalisty nahadvajuć, što ŭ ciopłuju paru hoda źmiei mohuć źjaŭlacca ŭ horadzie ŭ pošukach ježy abo schovišča. Pry sustrečy ź imi lepš nie panikavać, nie rabić rezkich ruchaŭ i nie sprabavać złavić žyviolinu. Zvyčajna źmiaja sama adpraŭlajecca dalej.

Kamientary da artykuła