Minsk pierachodzić na śviatłodyjodnyja lichtary
Da 2030 hoda pradpryjemstva «Minharśviatło» płanuje całkam pieravieści vuličnuju sietku aśviatleńnia Minska na sučasnyja enierhaefiektyŭnyja śviatłodyjodnyja śviacilniki, paviedamlaje ahienctva «Minsk-Naviny».
Zdymak ilustracyjny. Fota: «Minsk-Naviny»
Na bałansie pradpryjemstva znachodzicca bolš za 200 tysiač śviacilnikaŭ, kala 120 tysiač ź ich vykarystoŭvajucca dla aśviatleńnia vulic. Ciapier prykładna 45% vuličnych śviacilnikaŭ užo pracujuć na śviatłodyjodach.
Sistema haradskoha aśviatleńnia całkam aŭtamatyzavanaja. Za jaje pracaj sočać fotaelemienty — datčyki aśvietlenaści, jakija pastajanna kantralujuć uzrovień śviatła, paviedamiŭ hałoŭny inžynier «Minharśviatła» Jaŭhien Stasiałovič.
U 2026 hodzie płanujecca zamianić 11,8 tysiačy hazarazradnych vuličnych śviacilnikaŭ na sučasnyja śviatłodyjodnyja. Pierachod usioj vuličnaj sietki Minska na bolš enierhaefiektyŭnaje aśviatleńnie płanujuć zaviaršyć da 2030 hoda.
Čytajcie taksama:
U Minsku adkłali pašyreńnie treciaj linii mietro da Zialonaha Łuha, pryjarytetam zrabili 4‑iu liniju
U Minsku ciapier budujucca šeść novych handlovych centraŭ. Što za jany?