Kampanija MTS raskazała, što sietka 5G dastupnaja na 1100 bazavych stancyjach pa ŭsioj krainie, u tym liku 600 ź ich — u Minsku. Apieratar praanalizavaŭ trafik i skłaŭ rejtynh samych chutkasnych łakacyj stalicy, dzie na smartfonie možna atrymać da 1 Hbit/s i bolš.
Jak paviedamlaje MTS, najlepšaj łakacyjaj u Minsku pa chutkaści mabilnaha internetu stała nabiarežnaja Śvisłačy kala Trajeckaha pradmieścia. Na druhim miescy — rajon Ściapanaŭskaha sadu, a treciaje miesca zaniała terytoryja na skryžavańni vulic Bieruta i Adojeŭskaha.
U cełym najvyšejšyja pakazčyki chutkaści nazirajucca ŭzdoŭž asnoŭnych haradskich mahistralaŭ, u bujnych žyłych mikrarajonach, a taksama kala dziełavych i sacyjalnych abjektaŭ.
Śpiecyjalisty adznačyli top‑20 miescaŭ, dzie fiksujucca maksimalnyja siarednija chutkaści pieradačy danych u sietcy 5G:
- vuł. Kamunistyčnaja, d. 49;
- vuł. Kisialova, d. 32;
- vuł. Bieruta, d. 5;
- vuł. Sieńnickaja, d. 53;
- vuł. Niomanskaja, d. 14;
- vuł. Kupreviča, d. 18;
- vuł. Miaśnikova, d. 29;
- vuł. Karala, d. 2, k. 11;
- pr. Pieramožcaŭ, d. 23;
- vuł. Siarova, d. 22, k. 8;
- vuł. Jakuboŭskaha, d. 52;
- vuł. Žynoviča, d. 4;
- pr. Niezaležnaści, d. 79, k. 6;
- vuł. Traścianieckaja, d. 4;
- pr. Niezaležnaści, d. 49;
- pr. Pieramožcaŭ, d. 49;
- vuł. Hlebki, d. 118;
- vuł. Krapotkina, d. 95;
- vuł. Ćvirki
- vuł. Mantažnikaŭ, d. 9.
Vysokaja chutkaść internetu dazvalaje za niekalki siekund ściahvać filmy, rabić videazvanki, hulać u anłajn-hulni, tranślavać kantent u zvyšvysokaj jakaści i chutka sinchranizavać vialikija abjomy danych z chmarnymi servisami.
Raźvićcio sietki piataha pakaleńnia ŭ Biełarusi adbyvajecca ŭ supracoŭnictvie z kampanijaj beCloud, jakaja zabiaśpiečvaje dostup da nieabchodnaj infrastruktury. Padobnyja «hihabitnyja» punkty ŭžo pracujuć i ŭ inšych haradach, dzie dastupnaja 5G-sietka, — Breście, Viciebsku, Homieli i Mahilovie.
Pry hetym sietka praciahvaje aktyŭna razhortvacca i pašyracca. Najbližejšym časam da haradoŭ z 5G pavinien dałučycca Hrodna.
Ciapier čytajuć
«Pajezdkaj my zadavolenyja, ale sivych vałasoŭ dadałosia». Žycharka Śvietłahorska adpačyła ŭ Hielendžyku i dzielicca emocyjami11
«Pajezdkaj my zadavolenyja, ale sivych vałasoŭ dadałosia». Žycharka Śvietłahorska adpačyła ŭ Hielendžyku i dzielicca emocyjami
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1515
Kamientary