Dniami pad pres adpravilisia jašče try mašyny, jakija byli pryznanyja sudom biezhaspadarnymi.
U telehram-kanale Pieršamajskaha rajona Minska źjaviłasia videa, na jakim pakazany praces utylizacyi kinutych aŭtamabilaŭ.
Varta adznačyć, što pad pres biezhaspadarnyja mašyny adpraŭlajucca daloka nie adrazu. Spačatku čynoŭniki źviartajucca ŭ DAI z prośbaj vyśvietlić ułaśnika. Paśla jamu dasyłajuć piśmovaje patrabavańnie pryvieści ciaham adnaho miesiaca majomaść u paradak.
Kali haspadar nie adklikajecca ci nie znachodzicca, to aŭtachłam pieramiaščajuć na achoŭvajemuju stajanku. Adnak i heta nie kaniec. Uładalniki ciaham 3 miesiacaŭ mohuć źviarnucca ŭ administracyju svajho rajona z patrabavańniem viarnuć aŭto.
Kali taki dakumient nie pastupaje, to čynoŭniki źviartajucca ŭ sud z patrabavańniem pryznać transpartny srodak biezhaspadarnym i pieradać jaho ŭ kamunalnuju ŭłasnaść horada Minska.
Paśla taho, jak rašeńnie suda nabyvaje moc, aŭtamabil utylizujuć.
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?6
Kamientary