U Minsku pačali budavać Kazachstanski kvartał dla čarhavikoŭ
Novy kvartał ad dziaržzabudoŭščyka źjavicca ŭ miežach vulic Čyhunačnaj — Dubravinskaj — Hrušaŭskaj. Pačniecca budoŭla z uźviadzieńnia dvuch chmaračosaŭ — zaraz raspracoŭvajuć katłavany, piša Realt.by.
Pra płany Biełarusi i Kazachstana realizavać niekalki prajektaŭ u budaŭničaj śfiery stała viadoma jašče ŭ 2022 hodzie. Adzin z takich — uźviadzieńnie biełaruskaha žyłoha kvartała ŭ Astanie i kazachstanskaha — u Minsku. Adsiul i nazva — Kazachstanski kvartał. Na placoŭcy ŭ 4,6 ha tut źnieśli bolš za dziasiatak vytvorčych budynkaŭ byłoha pradpryjemstva «Santechdetal».
Voś jak apisvajuć budoŭlu ŭ «Minskbudzie».
«Placoŭka aharodžanaja, ustanoŭlenyja pašparty abjektaŭ, unutry pracuje budaŭničaja technika. Žyłaja zabudova startuje dvuma mapidaŭskimi damami № 1 i 2 (pa hienpłanie). Pieršy — heta vyšynny duet u sieryi M111-90. Druhi — pienał M464-U1M. Zaraz jakraz raspracoŭvajucca katłavany pad abodva damy. Dalej pačniecca praces farmiravańnia fundamientaŭ — jany buduć z buranabiŭnych palaŭ».
Usiaho ŭ kvartale zaprajektavana bolš za 680 kvater. Pa standartnych raźlikach, žyć u takoj zabudovie zmohuć pryblizna 1550 čałaviek. Žytło tut prapanujuć čarhavikam.
Bližej da vulicy Čyhunačnaj pabudujuć šmatuzroŭnievy parkinh.
Čytajcie taksama:
Kvadrat ad €1285 i kredyt pad 1%. U minskim «Paŭnočnym Bierazie» anansavali novy kvartał
Ci buduć Minsk aktyŭna zabudoŭvać žyllom i dalej?
Stała viadoma, kali ŭ Minsku pabudujuć treciaje transpartnaje koła
U Novaj Baravoj źjavicca dom u styli amierykanskich komiksaŭ 1950‑ch hadoŭ