Kvadrat ad €1285 i kredyt pad 1%. U minskim «Paŭnočnym Bierazie» anansavali novy kvartał

Terytoryja sapraŭdy prystojnaja: pad zabudovu pajšło bolš za 12 hiektaraŭ, ź jakich zvyš 4‑ch zojmuć parkavyja nasadžeńni i bulvar dla špacyraŭ ź placoŭkaj dla strytboła. Prodažy ŭ pieršym domie pad nazvaj «Bejlin 1» zapuskajuć užo 10 vieraśnia, a startavy ceńnik za kvadrat pačynajecca ad €1285.

Zielanina zamiest asfaltu i 75 vił

Pad novuju zabudovu ŭ samym centry kompleksu vydali zvyš 12 hiektaraŭ ziamli. Pry hetym pieratvarać kvartał u sucelny kamienny masiŭ deviełapier nie staŭ: bolš za tracinu prastory — zvyš čatyroch hiektaraŭ — adviali pad parkavyja nasadžeńni, hazony i zony adpačynku.

Samu kancepcyju kvartała vybudavali na prostaści i bałansie farmataŭ — tut uźviaduć usiaho 7 manalitnych damoŭ vyšynioj ad 6 da 9 pavierchaŭ, a pobač raźmieściać 75 pryvatnych vił. Pytańnie z parkoŭkaj vyrašyli kłasičnym dla sučasnych prajektaŭ sposabam: mašyny vyniesuć u asobny parkinh na 299 miescaŭ, dziakujučy čamu ŭnutranyja dvary zastanucca cichimi, biaśpiečnymi i svabodnymi ad tranzitnaha trafiku.

Pavialičyć

Złučalnym źvianom usiaho rajona stanie piešachodny bulvar praciahłaściu kala 700 mietraŭ. Prastoru raźbili na try zony adpačynku, spartyŭnuju placoŭku dla strytboła i varkaŭta z turnikami i brusami, a taksama dźvie hulniavyja łakacyi dla dziaciej. Dla junych žycharoŭ pastaviać draŭlanuju viežu z kanatnymi sietkami, areli i bałansiry na miakkim biaśpiečnym pokryćci.

Pavialičyć

«Bejlin 1»: łodžyi dvuch vidaŭ

Pieršyja kvatery ŭ prodaž pastupiać u domie pad nazvaj «Bejlin 1». Heta manalitnaja pabudova pieramiennaj paviarchovaści ad 7 da 9 pavierchaŭ z čatyrma paradnymi łobi i kamiercyjnymi pamiaškańniami na pieršym uzroŭni, dzie mohuć raźmiaścicca kaviarni, kramy i nievialikija ofisy. Jašče adna razynka hetaha doma — tut upieršyniu dla ŭsiaho kompleksu vyrašyli sumiaścić adkrytyja i zakrytyja łodžyi. U liniejcy žylla taksama zachavali dupleksy, varyjanty z ułasnymi terasami na pieršych pavierchach abo prosta na dachu, a taksama vidavyja kvatery z panaramaj na viły i park.

Pavialičyć

Mietražy startujuć ad kampaktnych studyj na 43 kvadraty i dachodziać da 125 kvadratnych mietraŭ u prastornych čatyrochspalnych płaniroŭkach. Unutry praduhledžanyja svabodnyja płaniroŭki i pavialičanaja kolkaść voknaŭ, tak što zanavać pakoi možna biez žorstkich abmiežavańniaŭ. Darečy, vyrašać viečnaje pytańnie z zachavańniem siezonnych rečaŭ i spartyŭnaha invientaru ŭ ahulnym kalidory nie pryjdziecca: dla kožnaj kvatery zaprajektavali asobnuju kamorku.

Pavialičyć

Ceńnik ad €1285 za kvadrat i słavuty kredyt pad 1%

Aficyjny start prodažaŭ u novym domie pryznačany na 10 vieraśnia. Ceny na starcie pačynajucca ad €1285 za kvadrat. Dla tych, chto nie płanuje ŭnosić usiu sumu adrazu, zabudoŭščyk prapanuje rasterminoŭku terminam da 22 miesiacaŭ abo bankaŭskija prahramy kredytavańnia. Biełarusbank moža dać pazyku sa staŭkaj 1% hadavych na pieršyja 2 hady z dalejšym pierachodam na 15,4%. U MTBanku pieršy hod kaštavaćmie pad 0,99% (dalej — 15,48%), pryčym vypłačvać zapazyčanaść daterminova dazvalajuć na lubym etapie bieź lišnich składanaściaŭ.

Sam «Paŭnočny Bierah» kala Cnianki praciahvaje pryrastać kvadratnymi mietrami davoli badziorymi tempami. Zabudoŭščyk «Ryviersajd Deviełapmient Limited» užo paśpieŭ uvieści ŭ ekspłuatacyju i pieradać klučy dolščykam 17 damoŭ, a jašče 42 budynki prosta zaraz znachodziacca na roznych stadyjach hatoŭnaści.

• 0
• 0
• 0
• 0
• 0
• 0
• 0
• 0