U Novaj Baravoj źjavicca dom u styli amierykanskich komiksaŭ 1950‑ch hadoŭ

Dom raźmieścicca pamiž vulicami Niabiesnaj i Piłotnaj. Pobač u budučyni źjaviacca art-bulvar, teatralny skvier i tematyčnaja dziciačaja placoŭka «Žyvapis». Užo ciapier u rajonie pracujuć fitnes-kłub, dziciačy sad i miedycynski centr, a paźniej płanujecca adkryćcio kaviarniaŭ i praduktovych kramaŭ.

Dom budzie składacca z čatyroch siekcyj vyšynioj 6, 7 i 8 pavierchaŭ. Usiaho zaprajektavana 150 kvater jeŭrafarmatu płoščaj ad 27,82 da 104,13 kvadratnaha mietra. Praduhledžanyja varyjanty ad nievialikich studyj da prastornych piacipakajovych kvater. Na pieršym paviersie raźmieściacca dzieviać kvater z ułasnymi terasami.

Pavialičyć

Kupcam kvater u siekcyjach 2 i 3 prapanujuć hatovaje azdableńnie ŭ styli «Kapienhahien» — ź ciopłymi draŭlanymi fakturami i spakojnaj atmaśfieraj. Dla tych, chto choča samastojna aformić interjer, dastupny varyjant White Box z padrychtavanymi pavierchniami i hatovym sanvuzłom.

Taksama možna vybrać kvateru z całkam abstalavanaj kuchniaj z ubudavanaj technikaj. Sanvuzły buduć azdoblenyja kieramahranitam, a ścieny možna budzie aformić u niejtralnych abo bolš jarkich kolerach.

Dla ŭładalnikaŭ vialikich kvater praduhledžanaja mahčymaść nabyć mašyna-miescy na padziemnych i naziemnych parkinhach. Taksama buduć adkrytyja parkoŭki dla časovaha zachoŭvańnia aŭtamabilaŭ.

Aŭtary prajekta chočuć praciahnuć kancepcyju ART-kvartała i zrabić mastactva častkaj štodzionnaha žyćcia — ad fasadaŭ i padjezdaŭ da dvara i ahulnych pamiaškańniaŭ. U padjezdach źjaviacca jarkaja hrafika, hieamietryčnyja ŭzory i elemienty, stylizavanyja pad komiksy. Paštovyja skryni, navihacyjnyja tablički i infarmacyjnyja stendy taksama buduć vykananyja ŭ adzinaj kancepcyi.

Dla žycharoŭ praduhledziać zonu bukkrosinhu i vialikaje lusterka dla fota. Usie ŭvachodnyja hrupy buduć biezbarjernymi, a lifty dazvolać prachodzić praz uvieś budynak. Na pieršych pavierchach tradycyjna raźmieściać kalasačnyja i łapamyjki.

Dvor zrobiać całkam svabodnym ad aŭtamabilaŭ. Jaho afarmleńnie taksama budzie nahadvać komiksy: jarkija kolery, vyraznaja hieamietryja, kantrastnyja faktury i paŭtaralnyja elemienty.

Dla dziaciej abstalujuć hulniavyja placoŭki, a dla darosłych — zony adpačynku i dźvie altanki sa stałami. Centralnym elemientam stanie vialiki stoł pad kruhłym naviesam, pryznačany dla sustreč susiedziaŭ i śviataŭ. Taksama ŭ dvary zrobiać nievialiki aharod z kruhłymi vazonami.

Budaŭnictva doma ŭžo viadziecca. Atrymać klučy novyja žychary pavinny ŭ pieršym kvartale 2028 hoda.

• 1
• 0
• 0
• 0
• 0
• 0
• 0
• 0