U Litvie ŭsio mienš biełarusaŭ z DNŽ, ale adtok mienšy, čym hod tamu
Pavodle danych Departamienta mihracyi pry MUS Litvy, na pačatak vieraśnia ŭ krainie naličvałasia 47 872 biełarusy z dazvołami na žycharstva ŭsich typaŭ, piša Devby.io.
Vilnia. Fota: «Naša Niva»
Za miesiac Litvu pakinuli 411 biełarusaŭ z DNŽ. A za apošnija 12 miesiacaŭ — 3 648 biełarusaŭ.
Apošni hod ich stanovicca mienš prykładna na tysiaču kožny kvartał. Ale tempy, zdajecca, zapavolilisia.
Za studzień—žnivień kolkaść biełarusaŭ z DNŽ u Litvie źmienšyłasia na 2 414. Dla paraŭnańnia, za pieršyja vosiem miesiacaŭ 2025 hoda minus skłaŭ 5 991 čałaviek.
Najbolš biełarusaŭ z DNŽ u Litvie było zafiksavana da 1 krasavika 2024 hoda — tady pakazčyk dasiahaŭ 62 844 čałavieki. Z taho času jon padaje.
Pry hetym biełarusy zastajucca druhoj pa kolkaści hrupaj inšaziemcaŭ z DNŽ u Litvie paśla ŭkraincaŭ, jakich, naadvarot, krychu dadałosia.
Čytajcie taksama:
Mnohija biełarusy straciać mahčymaść jechać na pracu ŭ Litvu. Voś što źmienicca ź listapada
Nie tolki ŭ Litvie. U Polščy pačała skaračacca kolkaść biełarusaŭ ź dziejnymi DNŽ