Kitaj paprasiŭ Iran strymać jemienskich chusitaŭ
Kitaj u pryvatnym paradku źviarnuŭsia da Irana z prośbaj vykarystać svoj upłyŭ na chusitaŭ, kab strymać ich dziejańni. Pra heta paviedamlaje ahienctva Reuters sa spasyłkaj na try iranskija krynicy.
Jemienski bajec-chusit. Fota: AP Photo / Osamah Abdulrahman
Pavodle infarmacyi ahienctva, z takoj prośbaj da Kitaja raniej źviarnułasia Saudaŭskaja Aravija. Er-Ryjad paprasiŭ Piekin pra dapamohu paśla niadaŭnich dziejańniaŭ chusitaŭ na ŭźbiarežžy Čyrvonaha mora i ŭ Bab-el-Mandebskim pralivie. Jany stvaryli pahrozu dla ekspartu saudaŭskaj nafty i ŭskładnili sudnachodstva ŭ rehijonie.
Pavodle krynic Reuters, Kitaj chacieŭ by, kab Iran vykarystaŭ svoj upłyŭ na chusitaŭ dla praduchileńnia dalejšaha raspaŭsiudžvańnia kanfliktu na enierhietyčnyja maršruty, ad jakich zaležyć u tym liku i Kitaj.
Pry hetym Piekin, jak paviedamlajecca, nie pahražaŭ Iranu niepasredna.
Krynicy nie paviedamili, jakim čynam kitajski bok pieradaŭ hetuju prośbu iranskim uładam. Taksama nieviadoma, ci abmiarkoŭvałasia hetaje pytańnie padčas vizitu ministra zamiežnych spraŭ Irana Abasa Arahčy ŭ Piekin, jaki adbyŭsia napiaredadni.
Čytajcie taksama:
Cana rasijskaj nafty na fonie abvastreńnia na Blizkim Uschodzie padskočyła da $110 za baral
Bujny saudaŭski naftapravod moža być vyviedzieny sa stroju na niekalki tydniaŭ