Bujny saudaŭski naftapravod moža być vyviedzieny sa stroju na niekalki tydniaŭ
Paškodžany ŭ Saudaŭskaj Aravii bujny naftapravod «Uschod — Zachad» moža zastavacca niadziejnym na praciahu niekalkich tydniaŭ, paviedamlaje Bild. Pavodle infarmacyi z naftavaj haliny, na jaho adnaŭleńnie moža spatrebicca ad piaci da šaści tydniaŭ. Aficyjnaha hrafika ramontnych rabot ułady Saudaŭskaj Aravii pakul nie apublikavali.
Naftapravod paciarpieŭ u vyniku atak bieśpiłotnikaŭ 12 vieraśnia. Udary pryjšlisia pa jahonych pompavych stancyjach. Spadarožnikavyja zdymki pakazvajuć surjoznyja paškodžańni niekalkich abjektaŭ. Saudaŭskija ŭłady paviedamili pra paciarpiełych. Chto mienavita staić za atakami, pakul aficyjna nie ŭstanoŭlena.
Saudaŭskaja Aravija i Irak zajavili, što bieśpiłotniki byli zapuščanyja z terytoryi Iraka. Ułady Iraka pačali rasśledavańnie. Raniej vykazvałasia viersija, što za atakaj mahli stajać jemienskija chusity.
Naftapravod «Uschod — Zachad» maje vialikaje značeńnie dla ekspartu saudaŭskaj nafty. U apošni čas praź jaho štodnia pierapampoŭvałasia kala 4—5 miljonaŭ baralaŭ nafty. Heta składaje da 5% ad usiaho suśvietnaha abjomu prapanovy nafty.
U naftavaj halinie aścierahajucca, što praciahły prastoj naftapravoda moža adbicca na suśvietnym rynku. Kali jaho nie ŭdasca chutka adnavić chacia b častkova, Saudaŭskaja Aravija moža sutyknucca sa značnym skaračeńniem abjomaŭ ekspartu.
Pavodle trejdaraŭ i kupcoŭ saudaŭskaj nafty, zapasaŭ u porcie Janbu ciapier moža chapić tolki na piać—siem dzion. Kali za hety čas naftapravod nie viernuć u ekspłuatacyju choć by častkova, abjomy pastavak z Saudaŭskaj Aravii mohuć prykmietna źnizicca.
Rynak užo reahuje na situacyju: suśvietnyja ceny na naftu rastuć. Ekśpierty papiaredžvajuć, što kali ramont zaciahniecca na niekalki tydniaŭ, heta moža pryvieści da jašče bolšaha padaražańnia nafty i, adpaviedna, paliva ŭ roznych krainach.
Saudaŭskaja Aravija prypyniła pracu naftapravoda «Uschod — Zachad» paśla ataki dronaŭ z terytoryi Iraka. Pa im idzie 5% suśvietnaj nafty
Jemienskija chusity zachapili stratehičnyja astravy Bab-el-Mandebskaha praliva. Adzin z najbujniejšych handlovych šlachoŭ faktyčna apynuŭsia pad kantrolem bajevikoŭ
Chusity zachapili partovy horad la vychadu z Čyrvonaha mora
Jemienskija chusity nablizilisia da stratehična važnaha Bab-el-Mandebskaha praliva. Heta novy vyklik dla suśvietnaj ekanomiki
Ciapier čytajuć
Minčuk źniaŭ rolik pra čarhu ŭ paliklinicy, dzie było bolš za 150 čałaviek. Za heta na jaho napisali zajavu ŭ milicyju10
Kamientary